“Meqa Sığorta” ASC 2021-ci ildən həyat sığortası bazarında da işləmək üçün imkan qazandı. Belə ki, Azərbaycan Mərkəzi Bankı artıq 19 fevraldan “Meqa Həyat” Sığorta Şirkəti ASC-yə 5 illik bazarda işləmək imkanı yaradıb.
Eləcə də bax: Mərkəzi Bank daha bir sığorta şirkətinin fəaliyyətinə – İcazə Verdi
11 milyon nizamnamə kapitalı ilə start verən şirkətin rəhbərliyi də məlum oldu.
FED.az Banker.az-a istinadən “Meqa Həyat” ASC-ni idarə edəcək heyəti təqdim edir.
DİREKTORLAR ŞURASI
Sığorta şirkətinin ali kollegial idarə orqanına sədirliyi Yaşar Feyzi oğlu Qurbanov edəcək. Üzvlər isə iki nəfər olmaqla Səadət Daşdəmir qızı Əsədova və Elnur Elman oğlu Abdullayevdir.
İDARƏ HEYƏTİ
“Meqa Həyat”ın idarə olunması səlahiyyəti isə Cəmil Məhəmməd oğlu Nəzərov-a həvalə edilib. İdarə Heyətinin üzvləri isə Emil İsbəndiyar oğlu Ağamaliyev, Hökmüdar Qələndər oğlu Məmişovdur.
TƏFTİŞ KOMİSSİYASI
Həyat sığortaçısının maliyyə təsərrüfatına nəzarət etmə səlahiyyəti sədr kimi Cəbrayılov Cəbrayıl Səfər oğlunda olacaq.
Burada Eyvazov Fuad Etimad oğlu müstəqil üzv, Babayev Murad Şaiq oğlu –üzv kimi qəbul edilib.
Sığorta şirkətinin Daxili audit xidmətinin rəhbəri Qurbanov Azər Qurban oğlu, baş mühasib Rzayev Gündüz Səməd oğlu və məsul aktuari Sadayev Tural Hayan oğludur.
“Meqa Sığorta”
2010-cu ildə təsis edilmiş “Meqa Sığorta” ASC, peşəkar yanaşma, yüksək etibarlılıq, xidmətlərin keyfiyyəti, fərdi və korporativ müştərilərə təklif olunan geniş çeşidli sığorta məhsulları, həmçinin, qabaqcıl beynəlxalq idarəetmə sistemlərinin tətbiqi nəticəsində Azərbaycan sığorta bazarının liderlərindən biridir.
Şirkətin fəaliyyətinin şəffaflığını, yüksək maliyyə sabitliyini, sürətli inkişafını təmin etməyə yönəlmiş strategiyasını həyata keçirmək məqsədi ilə “Meqa Sığorta” ASC hər il Beynəlxalq Maliyyə Hesabatı Standartlarına (MHBS) uyğun olaraq dünyanın aparıcı auditor şirkətləri tərəfindən audit olunur və həmçinin SGS şirkəti tərəfindən təsdiqlənmiş ISO 9001 beynəlxalq standartına uyğun olaraq Keyfiyyət İdarəetmə Sistemini tətbiq edir.
Müştəri sorğularının operativ cavablandırılması məqsədi ilə Şirkətin Bakı ofisləri ilə yanaşı, Azərbaycanın müxtəlif bölgələrində filial və nümayəndəlik şəbəkəsi mövcuddur. – https://meqasigorta.az/ –
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
