“Paşa Həyat Sığorta” sizi zəngin edən həyat sığortasını təqdim edib.
Sığortalı Azərbaycan xəbər verir ki, “Maaşınızdan 50%-dək əlavə gəlir qazanın” devizi ilə təqdim edilən təklifin şərtləri aşağıdakı kimdir:
Əmək haqqınızdan müəyyən hissəni hər ay «Həyatın Yaşam Sığortası»-na yönləndirin və 3 ildən sonra həmin məbləğdən ödəməli olduğunuz vergi və məcburi ayırmalar tam şəkildə hesabınıza qayıdır.
Əlavə olaraq, müddətin sonunda «PAŞA Həyat» Sizə gəlirlilik faizi də ödəyir.
“Həyatın Yaşam Sığortası” məhsuluna qoşulmaqla Siz, əlavə olaraq, müqaviləniz qüvvədə olduğu müddət ərzində həyatınızı da sığortalayırsınız.
50 AZN-dən yuxarı istənilən məbləğlə qoşula bilərsiniz.
Əmək haqqınızdan yönləndirdiyiniz məbləğ hər ay avtomatik şəkildə Sizin hesabınıza köçürülür.
Birdən planlarınız dəyişərsə və ya müvəqqəti çətinliyiniz yaransa – istənilən vaxt köçürülən məbləği azalda və ya müqavilənizi dondura bilərsiniz.
Hesablarınızı idarə etmək üçün heç yerə getmək lazım deyil.
Şəxsi Kabinet vasitəsilə müqavilələrinizi istənilən vaxt və istənilən yerdən özünüz idarə edin
«PAŞA Həyat» etibarlığı ilə məşhur olan «PAŞA Holdinq» qrupuna daxildir.
“Həyatın Yaşam Sığortası” Azərbaycan Respublikasının qanunvericiliyindəkı iki maddəyə əsaslanır və həmin maddələrə görə hesablanır:
Sosial sığorta haqqında qanunun 15-ci maddəsi
Azərbaycan Respublikasının Vergi Məcəlləsinin 116-cı maddəsi.
Qeyd edək ki, “PAŞA Holding” şirkətlər qrupuna daxil olan “PAŞA Həyat Sığorta” Açıq Səhmdar Cəmiyyəti 24.11.2010-cu il tarixdə Azərbaycan Respublikası Vergilər Nazirliyi tərəfindən dövlət qeydiyyatına alınaraq Azərbaycan Respublikası Maliyyə Nazirliyinin 14.02.2011-ci il tarixli lisenziyası əsasında həyat sığortası sahəsi üzrə xidmətlərin həyata keçirilməsi istiqamətində fəaliyyət göstərir.
Təsis olunduğu zaman “PAŞA Həyat Sığorta” ASC-nin nizamnamə kapitalı 7.000.000 (yeddi milyon) AZN təşkil edirdisə, fəaliyyətinin ilk 3 ilinin nəticəsi olaraq Cəmiyyətin nizamnamə kapitalı 5,75 dəfə artırılaraq, hazırda 40.250.000 (qırx milyon iki yüz əlli min) manata çatdırılmışdır.
“PAŞA Həyat Sığorta” ASC dinamik inkişaf edən universal həyat sığortası şirkəti olmaqla hazırda Azərbaycan Respublikasının Sığorta qanunvericiliyi ilə nəzərdə tutulmuş həyat sığortası sinfinə aid olan bütün növ məhsulları müştərilərinə təqdim edir.
“PAŞA Həyat Sığorta” ASC İcbari Sığorta Bürosunun iştirakçısıdır.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumatları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
