İcbari Sığorta Bürosu (İSB) və Azərbaycan Sığortaçılar Assosiasiyası (ASA) işəgötürənlərə və məşğul əhali qrupuna (işçilərə) müraciət edib.
Sığortalı Azərbaycanın məlumatına görə, müraciətdə qeyd olunur ki, peşə fəaliyyəti zamanı işçininsağlamlığına dəyən zərər nəticəsində əmək qabiliyyətinin daimi itirilməsinə (əlillik) görə zərərçəkənə (işçiyə), ölümü halında isə onun vərəsələrinə sığorta ödənişinin verilməsiqanunvericilik əsasında təmin edilir.
Belə ki, hər bir işəgötürən öz işçisini “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta” Qanununa əsasən sığortalamaq öhdəliyi daşıyır.
İşçinin isə öz növbəsində həmin müqavilənin bağlanması haqqında məlumat əldə etmək hüququ vardır
Bu sığorta təminatı peşə fəaliyyəti zamanı bədbəxt hadisələr və ya peşə xətstəliyi baş verəcəyi təqdirdə işçi və ya onun vərəsələrinin müvafiq təzminat almasına imkan yaradır.
Qanunvericiliyin tələbinə uyğun olaraq işçisini sığortalamayan işəgötürənlər, bədbəxt hadisənin baş verməsi və ya peşə əmək qabiliyyətinin itirilməsi halında işçiyə və ya onun vərəsələrinə təzminat ödəməlidir.
Bu tələbə əsasən İşəgötürən maliyyə sabitliyini sığorta mexanizmi vasitəsilə qorumuş olur
İşçilərini bu növ üzrə sığortalamayan sahibkarlıq subyektlərinin Əmək və Əhalinin Sosial Müdafiəsi Nazirliyi tərəfindən müəyyən edilərək Azərbaycan Respublikası İnzibati Xətalar Məcəlləsinin 469-cu maddəsinə əsasən cərimə edilməsi mümkündür.
Azərbaycan Respublikasının Mərkəzi Bankının sığorta sektorunun inkişafı və vətəndaşlarımızın baş verəcək maliyyə itkilərinə qarşı sığorta təminatı ilə güvəndə olması istiqamətində həyata keçirdiyi silsilə tədbirlərinin tərkibində sözügedən növ üzrə proseslərin İSB tərəfindən elektronlaşdırılması və sistemin təkmilləşdirilməsi işləri uğurla icra edilir.
İşəgötürənlərin www.isb.az internet səhifəsini istifadə etməklə, e-xidmətlər bölməsinə gücləndirilmiş elektron imza vasitəsilə daxil olmaları və elektron qaydada sistem üzərindən asanlıqla sığorta təminatı almaları mümkündür.Bundan başqa sığortalıların sığorta əməliyyatları üzrə tarixçəsini izləmələri üçün şəxsi kabinet, icbari sığorta növləri üzrə sığorta haqqının hesablanması üzrə kalkulyatoru və digər maarifləndirici materiallar istifadəyə verilmişdir.
Qeyd edilən sığorta təminatı üzrə cari ilin yanvar-avqust aylarında baş vermiş hadisələrə görə 2.4 milyon manat sığorta ödənişi həyata keçirilmişdir ki, bu da 2020-ci ilin müvafiq dövrü ilə müqayisədə 1 milyon manatdan çoxdur
Cari ildə həyata keçirilmiş bir ölüm halı üzrə müvafiq işçinin vərəsələrinə ödənmiş ən yüksək sığorta ödənişi 250.000 manat təşkil etmişdir. Əlillik halı ilə bağlı həyata keçirilmiş ən yüksək sığorta ödənişi isə 100.000 manat olmuşdur.
“İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarında icbari sığorta haqqında” Azərbaycan Respublikasının Qanunu üzrə sığorta təminatı İcbari Sığorta Bürosunun üzvü olan, müvafiq lisenziyaya malik 5 sığorta şirkəti tərəfindən verilməkdədir. Bunlar “Atəşgah Həyat” Sığorta Şirkəti ASC, ,“Qala Həyat” Sığorta Şirkəti ASC, “Paşa Həyat Sığorta” ASC, “Xalq Həyat” Sığorta Şirkəti ASC və “Meqa Həyat Sığorta ” ASC –dir.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumatları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz – İqtisadi gündəm.
 və Azərbaycan Sığortaçılar Assosiasiyası (ASA) işəgötürənlərə və məşğul əhali qrupuna (işçilərə) müraciət edib.){kind=link}