Dövlət tibb müəssisələrinin ictimaiyyətlə əlaqələr üzrə mütəxəssisləri üçün təlim keçirilib.
Sığortalı Azərbaycan xəbər verir ki, İcbari Tibbi Sığorta üzrə Dövlət Agentliyi (Agentlik) və Tibbi Ərazi Bölmələrini İdarəetmə Birliyi-nin (TƏBİB) birgə təşkilatçılığı, Birləşmiş Millətlər Təşkilatı-nın (BMT) və Ümumdünya Səhiyyə Təşkilatı-nın (ÜST) texniki və maliyyə dəstəyi ilə TƏBİB-in nəzdindəki dövlət tibb müəssisələrinin ictimaiyyətlə əlaqələr üzrə mütəxəssisləri üçün 22-23 noyabr 2021-ci il tarixlərində təlim keçirilib.
Təlimlərin keçirilməsində məqsəd tibb müəssisələrinin KİV-lə kommunikasiya və ictimaiyyətlə əlaqələrin effektiv qurulması və təkmilləşdirilməsi üçün ictimaiyyətlə əlaqələr üzrə mütəxəssislərin bilik və bacarıqlarının artırılmasıdır
Təlimin açılışında çıxış edən Agentliyin Beynəlxalq əlaqələr departamentinin rəhbəri Ruslan Abdullayev bildirib ki, COVID-19 pandemiyasının ortaya çıxması, bütün bəşəriyyəti təhdid altına alması müasir dövrdə səhiyyənin əhəmiyyətini və əhalinin sağlamlığının qorunmasını prioritet məsələyə çevirib:
“Pandemiya dövründə informasiyanın daha düzgün çatdırılmasında medianın və səhiyyə müəssisələrində çalışan ictimaiyyətlə əlaqələr üzrə mütəxəssislərin rolu əhəmiyyətli dərəcədə artmışdır, onların üzərinə daha mühüm və məsuliyyətli vəzifələrin icrası düşmüşdür”
Tədbirdə həmçinin çıxış edən BMT-nin Qlobal Kommunikasiyalar Departamentinin Azərbaycan təmsilçisi Rəşad Hüseynov, ÜST-nin Azərbaycandakı nümayəndəliyinin ictimai səhiyyə və tibb təhsili üzrə eksperti Halil İbrahim Durak və Sağlamlıq üçün Həmrəylik Təşəbbüsü layihəsinin rəhbəri Tural Qulu iştirakçıları salamlayaraq onları təlimdə fəal iştirak etməyə çağırıb.
Tibb müəssisələrində ictimaiyyətlə əlaqələr üzrə mütəxəssis ştatının yaranmasının əhəmiyyətindən danışan çıxışçılar bildirdilər ki, səhiyyə ilə bağlı cəmiyyətə məlumatların vaxtında və dolğun çatdırılması dezinformasiyanın qarşısının alınması baxımından önəmli addımdır. Bu mənada təlim iştirakçılarının üzərinə önəmli iş düşür. Əlavə olundu ki, təlimdə müxtəlif tibb müəssisələrində yeni işə başlayan mütəxəssislərin bir araya gəlməsi onların biri-biri ilə əyani tanış olması, gələcəkdə şəbəkələşməsi, bilik və təcrübələrini öz aralarında bölüşməsi üçün gözəl fürsətdir.
Tədbirdə Bakı şəhəri və bölgələrdə fəaliyyət göstərən 65 tibb müəssisəsinin 74-dən çox əməkdaşı iştirak edib
Onlara ictimai məlumatlandırma, media sorğularının cavablandırılması, ictimaiyyətlə əlaqələrin idarə edilməsi və hesabatlılıq, KİV və informasiya sahəsində qanunvericilik, COVID -19 pandemiyası dövründə media ilə əməkdaşlıq və s. mövzular tədris edilib.
Təlimçi qismində ÜST-nin Azərbaycandakı nümayəndəliyinin risk kommunikasiyası üzrə mütəxəssisi Fənarə Bünyadzadə, Agentliyin ictimaiyyətlə əlaqələr və marketinq departamentinin rəhbəri Aynurə Əhmədova və eyni departamentin ictimaiyyətlə əlaqələr şöbəsinin müdiri İlhamə Musayeva, TƏBİB-in ictimaiyyətlə əlaqələr və müraciətlərlə iş departamentinin rəhbəri Aygün Əliyeva, ADA Universiteti İctimai və Beynəlxalq Münasibətlər İnstitutunun müəllimi Şəfəq Mehrəliyeva və media məsələləri üzrə hüquqşünas Ələsgər Məmmədli iştirak ediblər.
Qeyd edək ki, TƏBİB-in tabeliyindəki dövlət tibb müəssisələrinin strukturunun icbari tibbi sığorta sisteminə uyğunlaşdırılması, habelə onların fəaliyyətinin səmərəliliyinin artırılması üçün kadr potensialının gücləndirilməsi ilə əlaqədar həyata keçirilən islahatlar çərçivəsində sözügedən tibb müəssisələrində ictimaiyyətlə əlaqələr üzrə müvafiq struktur bölmə (İctimaiyyətlə əlaqələr bölməsi) və ya ştat vahidi (ictimaiyyətlə əlaqələr üzrə mütəxəssis) yaradılıb.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz – İqtisadi gündəm.
