Sığorta Azərbaycanlı xəbər verir ki, ölkənin lider həyat sığortası şirkəti olan “PAŞA Həyat Sığorta” ASC 2022-ci ilin beynəlxalq standartlara uyğun hazırlanmış maliyyə hesabatlarını ictimaiyyətə açıqlayıb.
2022-ci ildə PAŞA Həyat yığımlarına görə sığorta bazarı iştirakçıları arasında birinci yerdə qərarlaşmışdır. Belə ki, şirkət ölkənin sığorta bazarında bütün məhsulları üzrə 407 milyon manat sığorta yığımları əldə edərək bazarda yeni rekord nəticəyə imza atmaqla öz rekordunu yeniləmişdi. Eyni zamanda, şirkət müştərilərinə 221 milyon AZN sığorta ödənişi həyata keçirmişdir. Bu da öz növbəsində 2021-ci il üzrə illik göstəricidən 17% daha çoxdur.
Nəticədə audit olunmamış ilkin göstəricilərə əsasən PAŞA Həyat 2022-ci ili 24 milyon manat cəmi məcmu gəlirlə başa vurub. Şirkətin məcmu kapitalı 70 milyon AZN, məcmu öhdəlikləri isə 492 milyon AZN təşkil edib.
Dayanıqlı şirkətlərdən olan PAŞA Həyat-ın məcmu aktivləri 2022-ci ilin 31 dekabr tarixinə 562 milyon manat təşkil edib
Daim müştərilərə ən yaxşı xidmət və rəqəmsal həllər təqdim etmək üzərində çalışan PAŞA Həyat 2021-ci ildən etibarən yeni Rəqəmsal Transformasiya strategiyanı tətbiq edir. Şirkət ötən il ərzində yeni proseslər icra edərək yeni məhsulların yaradılması, Data Analitika, Agile idarəetmə, digər biznes proseslərin optimizasiyası istiqamətində bir çox layihələr həyata keçirib. İşçilərinə xüsusi diqqət ayıran şirkət peşəkar korporativ mədəniyyətin qorunmasını və daha da təkmilləşdirilməsini təmin etmək məqsədilə beynəlxalq konsaltinq şirkəti olan “Willis Towers Watson”un dəstəyilə “Employee Engagement” sorğusu keçirmişdir.
Rəqəmsallaşma istiqamətində görülən işlərin nəticəsi olaraq 2022-ci ildə PAŞA Həyat “NETTY2022” Azərbaycanın Milli internet mükafatının 17-ci mükafatlandırma mərasimində “Maliyyə və Banklar” kategoriyası üzrə “İlin ən yaxşı Vebsaytı” nominasiyası üzrə qalib olub. Həmçinin innovativ və müştəri təcrübəsinə əsaslanan mobil tətbiqin hazırlanması sürətlə davam edir və 2023-cü ilin əvvəlində ilkin versiyanın müştərilərə təqdim edilməsi planlaşdırılır.
Mövcud dövrdə seçim əlbəttə ki, etibarlı və dayanıqlı həyat sığorta şirkətindən yana olmalıdır. İstənilən durumda sizin vəsaitiniz əminliklə qorunmalı və sizə gəlir gətirməlidir. Bunun üçün PAŞA Həyat ən doğru seçimdir.
Lider sığorta şirkəti – “PAŞA Həyat Sığorta” ASC 2010-ci ilin noyabr ayından fəaliyyət göstərir. 31 dekabr 2022-ci il tarixinə şirkətin məcmu aktivləri 562 mln. AZN təşkil etmişdir. Şirkət müştərilərə müxtəlif həyat sığortası məhsulları, o cümlədən “İstehsalatda bədbəxt hadisələrin icbari sığortası”, yığım tərkibli “Həyatın yaşam sığortası” məhsullarını təklif edir.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
