Bu sığorta növü 42% artıb – 2023-cü ilin yanvar-iyul aylarında Azərbaycandan xaricə səfər edən vətəndaşların sığortası üzrə daxilolmalar 3 milyon 721.6 min manat təşkil edib.
Sığortalı Azərbaycan xəbər verir ki, bu göstəricinin həcmi ötən ilin eyni dövrü ilə müqayisədə 42.5% və ya 1.1 milyon manat çoxdur. 2022-ci ilin müvafiq dövründə xaricə səfər edən vətəndaşların sığortası üzrə daxilolmalar 2 milyon 310.2 min manat təşkil edib.
Qeyd edək ki, cari ilin yanvar-iyul aylarında xaricə səfər edən vətəndaşların sığorta ödənişləri 151.8 min manat təşkil edib ki, bu da 2022-ci ilin ilk 7 ayı ilə müqayisədə 32.8% və ya 74.2 min manat azdır.
Hesabat dövründə bu sığorta növü üzrə sığorta zərərliliyi 2.2 dəfə azalıb. Belə ki, sığorta şirkətləri bu ilin ilk 7 ayında toplanan hər 100 manat sığorta haqqının 4 manatını ödənişə yönəldibsə, 2022-ci ilin yanvar-iyul aylarında bu göstərici 8.7 manat təşkil edib.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
