Sığortalı Azərbaycan xəbər verir ki, PAŞA Həyat təhsil sahəsində olan töhfəsinin gücləndirilməsi və gənc kadrların yetişdirilməsi çərçivəsində universitetlərlə əməkdaşlığı uğurla davam etdirir.
Ölkənin lider həyat sığorta şirkəti olan PAŞA Həyat 2023-cü ilin birinci yarımilində Bakı Ali Neft Məktəbi, ADA Universiteti, Bakı Dövlət Universiteti və Azərbaycan Dövlət İqtisad Universiteti-nin tələbələri üçün onların peşəkar inkişafına yönəldilmiş bir sıra tədbirlər təşkil etmişdir.
Eyni zamanda, həmin universitetlər tərəfindən təşkil edilən əmək yarmarkalarında aktiv iştirak edərək tələbələrin gələcək karyera həyatlarına dair dəyərli töhfələr vermişdir.
Belə ki, cari ilin fevral ayından etibarən PAŞA Həyat ekspertləri tərəfindən İnvestisiya, Marketinq, Korporativ Kommunikasiya, Audit, Agile metodologiyası, Hüquq və həyat sığortası məhsulları üzrə müxtəlif bilik mübadiləsi sessiyaları təşkil olunmuşdur.
Universitetlərdə təşkil edilən karyera sərgiləri ilə yanaşı həmçinin PAŞA Həyat 30 mart tarixində Bakı Regional Məşğulluq filialı tərəfindən Park İnn by Radisson Baku Hotelində təşkil edilmiş əmək yarmarkasında da iştirak etmişdir.
Sözügedən fəaliyyətin davamı olaraq şirkət 10-19 aprel tarixlərində ADA Universitetinin nəzdində təşkil olunan “Məşğulluq həftəsində” (Employability Week) iştirak edərək müxtəlif mövzuları əhatə edən təlimlər keçirib. Sonda keçirilən mövzularla bağlı imtahan mərhələsi baş tutub və müəyyən meyarlar əsasında 5 tələbə qalib seçilərək sözügedən şirkətdə təcrübə keçməyə şans qazanıblar.
Bundan əlavə, artıq ikinci ildir ki, PAŞA Həyat ADA Universitetində təşkil olunan “ABŞ Təhsilli Azərbaycan Məzunları” İctimai Birliyinin təşkilatçılığı ilə ali məktəb tələbələri arasında Azərbaycan Biznes Keys müsabiqəsinin bürünc sponsoru olaraq çıxış edir.
Mart ayından başlayan müsabiqədə 4 nəfərdən ibarət komandalar real biznes keyslər əsasında yarışaraq yarımfinal və final mərhələlərinə keçiblər. 17 iyun tarixində baş tutan final günündə ilk 3 yeri tutan komandalar mükafatlandırılıb.
Yarışmada analiz üçün tələbələrə real həyatda şirkətlərin qarşılaşdıqları biznes problemləri əsasında yazılmış Harvard Business School-un keysləri təqdim edilir.
Biznes Keys Müsabiqəsi tələbələrin analitik və təqdimat bacarıqlarının inkişaf etdirilməsində və karyera inkişafında çox önəmli rol oynayacaq bacarıqların aşılanmasında və tələbələrə biznes idarəçilik vərdişlərinin öyrədilməsində əvəzsiz rol oynayır.
Tələbələrin peşəkar inkişafına töhfə vermək üçün PAŞA Həyat 31 Mart tarixində Bakı Dövlət Universiteti, Aktuar riyaziyyat və Riyaziyyat ixtisaslarında təhsil alan tələbələri şirkətə dəvət edərək onlar üçün “Aktuar Saatı” adlı bilik mübadiləsi sessiyası təşkil etmişdir.
Əmək yarmarkalarında sıx iştirak edən şirkət may, iyun və iyul ayları ərzində Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi tərəfindən işsiz və işaxtaran şəxslər üçün keçirilən yarmarkada, həmçinin “ASAN kadr” karyera mərkəzinin təşkilatçılığı ilə ASAN könüllülərinin 3-cü Karyera Sərgisində iştirak etmişdir.
Bu cür tədbirlərin təşkili və həyata keçirilməsi kadr potensialının gücləndirilməsi məqsədini daşıyır.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
