Sığortalı Azərbaycan xəbər verir ki, Dekabrın 6-da Aqrar Sığorta Fondu və Sabirabad rayon İcra Hakimiyyətinin təşkilatçılığı ilə «Dayanıqlı fermer fəaliyyəti üçün aqrar sığorta» mövzusunda tədbir və fermerlərlə görüş keçirilib.
Görüşdə Sabirabad rayonunda rayonunda aqrar sığortanın əhəmiyyəti, faydaları və fermerlər üçün üstünlükləri açıqlanıb.
Tədbirdə çıxış edən Sabirabad rayon icra hakimiyyəti başçısının 1-ci müavini Həsən Həsənrov Sabirabadda aqrar sahənin inkişaf etdiyini, böyük həcmdə suvarılan əkin sahələrinin, taxıl və pambıq əkinlərinin, eləcə də çoxsaylı heyvandarlıq təsərrüfatlarının olduğunu qeyd edib.
Həsən Həsənov bildirib ki, fermer və sahibkarlar əkin sahələrini qorumalı, bunun üçün dövlətin olduqca əlverişli şərtlərlə təqdim etdiyi aqrar sığorta vasitəsilə sahələrini sığorta etməlidirlər.
Tədbirdə çıxış edən Aqrar Sığorta Fondunun idarə heyətinin üzvü Roman Əmircanov xatırladıb ki, aqrar sığorta dövlətin fermerlərə mühüm dəstək mexanizmidir və aqrar sığorta haqqının 50%-ni də fermerlərə dəstək üçün dövlət özü ödəyir.
Onun sözlərinə görə, 2023-cü ildə müşahidə olunan qeyri-sabit hava şəraiti, sel və daşqınlar səbəbindən sığorta hadisələri kəskin artıb və Aqrar Sığorta Fondu bununla bağlı ödənişlərə başlayıb.
Qeyd edək ki, Sabirabad rayonu ölkədə pambıq əkinlərinin geniş yayıldığı bölgələrdəndir. Bu əkinlərə əsasən əlverişsiz hava şəraiti, o cümlədən yağışlar nəticəsində zərər dəyir.
Müzakirələr zamanı fermerlər pambıq əkinlərinə dəyən zərər, onun ödənişi, gələcəkdə pambıq sahələrini daha geniş risklərdən sığorta olunması ilə bağlı çoxsaylı suallar ünvanlayıb, təkliflərini bölüşüblər.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
