Sığortalı Azərbaycan xəbər verir ki, Azərbaycanda kənd təsərrüfatı sektoru üzrə sığorta xidməti göstərən Aqrar Sığorta Fondu cəmiyyətin müxtəlif təbəqələri üzrə məlumatlandırma işini davam etdirir.
Məlumatlandırma tədbirləri çərçivəsində Aqrar Sığorta Fondunda iqtisadçı ekspertlərlə görüş keçirilib.
Görüşdə Aqrar Sığorta Fondunun İdarə Heyətinin sədri Fuad Sadıqov və İdarə Heyəti sədrinin müavini Firdovsi Ağaşirinov tərəfindən ekspertlərə aqrar sığorta mexanizmi, onun fəaliyyət prinsipi, aqrar sığortaya dövlət dəstəyi, fermer və təsərrüfatların aqrar sığortadan istifadə imkanları barədə məlumat verilib. Eləcə də ölkədə aqrar sığorta mexanizminin əhəmiyyəti, bu mexanizmin yaranması, Aqrar Sığorta Fondunun fəaliyyəti, 2023-cü ilin yekunları və qarşıdakı dövr üçün planları da açıqlanıb.
Bildirilib ki, Azərbaycanda Türkiyənin TARSİM təşkilatının təcrübəsi və dəstəyi ilə qurulan və 4 ildir ki, fəaliyyət göstərən Aqrar Sığorta Fondunun xidmətləri ölkədəki əkin ərazilərinin 96%-ni əhatə etmək iqtidarındadır. Ötən dövrdə Fondun xidmətlərindən istifadə edən fermerlərin sayı, toplanan sığorta haqlarının məbləği və sığorta ödənişlərinin məbləği sürətlə artmaqdadır. Görüşdə aqrar sahəyə təsir edən risklər və onların idarə edilməsi, təkrar sığorta mexanizmi, sığorta tariflərinin formalaşma prinsipi barədə ətraflı məlumat verilib.
Qeyd olunub ki, qarşıdakı illərdə sığorta olunan məhsulların və aqrar sığortanın əhatə dairəsinin genişləndirilməsi nəzərdə tutulur. Eyni zamanda, müxtəlif səbəblərdən zərərlə üzləşən təsərrüfatlara dəstək üçün beynəlxalq təcrübəyə əsaslanan yeni mexanizmlərin tətbiqi müzakirə edilir.
Görüşdə iştirak edən, iqtisadçı ekspertlərin aqrar sığorta mexanizminin iş prinsipi, fermerlərin maarifləndirilməsi, müstəqil aqrar sığorta ekspertlərinin fəaliyyəti, Aqrar Sığorta Fondunun iqtisadi göstəriciləri və digər aktual məsələlərlə bağlı sualları cavablandırılıb. Aqrar sığortanın tətbiqi ilə bağlı fikir mübadiləsi aparılıb.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
