“A-Qroup Sığorta Şirkəti” ASC 2023-cü il üzrə maliyyə göstəricilərini açıqlayıb

Sığortalı Azərbaycan xəbər verir ki, 2023-cü ildə “A-Qroup”un əsas əməliyyat gəlirləri illik müqayisədə 3.6 mln. manat və ya 14 faiz azalaraq 22,05 milyon manata enib. Buna səbəb sığorta şirkətinin birbaşa sığorta haqları üzrə yığımlarının 2022-ci ildə 24.63 mln. manat olduğu halda, 2023-cü ildə 21.12 mln. manata enməsidir.

Bununla belə, 2022-ci ildə 4.03 mln. manat xalis sığorta ehtiyatlarında dəyişmə etdiyi halda, 2023-cü ildə bu növ xərcləri olmayıb və şirkət 25.28 mln. manat cəmi gəlir əldə edə bilib.

“A-Qroup”un cəmi xərcləri isə illik müqayisədə 11,4% artaraq 24.41 mln. manata çatıb. 2022-ci ildə sığorta şirkəti 57 min manat xalis mənfəət əldə etdiyi halda ötən il bu rəqəm 699 min manata yüksəlib.

Bununla belə, ötən il sığorta şirkəti bir qədər kiçilib. Belə ki, 1 yanvar 2024-cü il tarixinə sığorta şirkətinin cəmi aktivləri 7,2% azalaraq 27,1 mln. manata, cəmi öhdəlikləri isə 15,2% azalıb. Hesabat dövründə “A-Qroup”un cəmi kapitalı isə 6,1% artaraq 12,1 milyon manata bərabər olub.

Xatırladaq ki, “A-Qroup Sığorta” 1995-ci ildə yaradılıb. Onun nizamnamə kapitalı 8 005 750 manatdır. Sığorta şirkətinin 100% səhmdarı Sabir Adna oğlu Adnayevdir (Direktorlar Şurasının sədri).

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.