Başqa şəxslərində təsərrüfata vurduğu zərəri Aqrar Sığorta qarşılayır – Sığortalı Azərbaycan xəbər verir ki, Azərbaycanda təsərrüfat sahiblərinə ən çox zərər vuran hallardan biri də başqa şəxslərin hərəkətləridir.
Azərbaycanda dövlət dəstəyi ilə tətbiq edilən aqrar sığorta mexanizmi təsərrüfatları digər hadisələrlə yanaşı, 3-cü şəxsin hərəkətlərindən də qoruyur, belə hadisələr baş verdikdə zərərə düşən fermerlərə sığorta ödənişi verilir.
3-cü şəxslərin hərəkətləri dedikdə – əkin sahəsinə heyvan salınaraq məhsulun məhv edilməsi, əkin sahəsinə suyun verilməməsi, sahənin başqa şəxslər tərəfindən biçilməsi, sahəyə texnikanın daxil olması aiddir.
Heyvandarlıqda isə 3-cü şəxslərin hərəkəti – heyvanların dərman və kimyəvi vasitələrdən tələf olması, əkin sahəsini dərmanlananda heyvanın zəhərlənməsi, heyvanı elektrik vurması, heyvanın maşınla vurulması, daşınma zamanı qəzada tələf olması, oğurlanması da 3-cü şəxsin hərəkəti sayılır.
Əgər təsərrüfat sığortalıdırsa, 3-cü şəxsin hərəkətindən dəyən zərərə görə Aqrar Sığorta Fondu fermerlərə ödəniş edir, daha sonra Fond zərər vuran tərəfi məhkəməyə verir və ödənilən məbləği ondan tələb edir.
2023-cü ildə əkin sahələrinə 3-cü şəxslərin zərəri üzrə ASF-ə 100-ə yaxın müraciət edilib. Ən çox şikayətlər – əkin sahəsində heyvan otarılması, texnikalarla əkin sahəsinə daxil olma, əkin sahəsinə su verilməməsi, dərmanlama zamanı əkin sahəsinə zərər vurulması və oğurluq (məhsulun başqa şəxslər tərəfindən gizlicə yığılması) hallarıdır.
Nəticədə təsdiqini tapmış 20 müraciət üzrə Fond tərəfindən fermerlərə 208 min manatdan artıq sığorta ödənişi edilib, ödənişlər 335 hektar əkini əhatə edib, digər müraciətlərə isə baxılır.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
