Sığortalı Azərbaycan xəbər verir ki, Kənd Təsərrüfatı Nazirliyinin Aqrar İnnovasiya Mərkəzinin təşkilatçılığı ilə mövsümün növbəti toxum sərgi-satış yarmarkası və Aqrar Biznes Festivalı Ağsu və Zərdab rayonlarında keçirilib.
Toxum sərgi-satış yarmarkalarında Mərkəzi Aran və Dağlıq-Şirvan iqtisadi rayonlarından olan toxumçu fermerlər və toxum istehsalı və satışı ilə məşğul olan şirkətlər iştirak edib, öz məhsullarının nümayiş və satışını həyata keçiriblər.
Zərdab və Ağsuda keçirilən bu tədbirlərdə Aqrar Sığorta Fondu da geniş təmsil olunub. Fond əməkdaşları fermerlərə aqrar sığorta xidmətləri, xüsusilə taxıl sahələrinin sığortası hərtləri, onun üstünlükləri, sığorta haqları və ödəniş prosesi barədə geniş məlumat veriblər. Eləcə də aqrar sığorta ilə bağlı fermerlərin sualları cavablandırılıb.
Qeyd edək ki, bu il Ağsu rayonu iqlim dəyişikliklərindən xeyli zərər çəkib, rayon ərazisində yağan güclü dolu və yağışlar, eləcə də subasma hadisələri təsərrüfatlara zərər vurub. Fermerlərə bildirilib ki, hazırda baş verən hadisələr üzrə zərərlər hesablanır və yaxın vaxtlarda sığorta ödənişlərinin verilməsinə başlanacaq.
Tədbir çərçivəsində Ağsuda «Dagliq Sirvan iqtisadi rayonunun aqrar potensialinin gelecek inkisaf perspektivleri» adlı panel dinləmələr keçirilib.
Tədbirdə Aqrar Sığorta Fondu, aqrar sahədə fəaliyyət göstərən iri şirkətlər – «Azərsun Holdinq», «Agro Dairy» və Toxumçular Assosiasiyasının nümayəndələri taxıl əkinləri, toxumların düzgün seçilməsi, bitki xəstəlikləri ilə mübarizə, iqlim dəyişiklikləri, aqrar sığorta və onun üstünlükləri barədə geniş məlumat veriblər.
Dinləmələr zamanı bildirilib ki, Dagliq Sirvan regionu təbiət hadisələrinə ən çox məruz qalan bölgələrdəndir və baş verən hadisələr səbəbindən bu regiondan olan fermerlərə indiyədək 822 min manat sığorta ödənişi edilib.
Dinləmələrdə səslənən məlumatlar fermerlərin böyük marağına səbəb olub, onların qaldırdığı təkliflər və suallar ətraflı cavablandırılıb.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
