Sığortalı Azərbaycan xəbər verir ki, Göyçay rayonunun Bığır kəndi ərazisindəki nar bağında şaxtavurma nəticəsində tinglərə zərər dəyib. Meyvə bağı sığortalı olduğuna görə dəymiş zərər Aqrar Sığorta Fondu tərəfindən qarşılanıb və təsərrüfata 23 957 min manat ödəniş edilib.
Fermerlər aqrar sığorta mexanizminin işindən razı qaldıqlarını, növbəti mövsümdə də təsərrüfatlarını sığorta edəcəklərini bildiriblər.
Bundan başqa, rayonun Çaxırlı kəndində fermer Vüsal Qasımova məxsus alça bağına fırtına nəticəsində dəyən zərər üzrə fermerə 1 680 manat sığorta ödənişi edilib. Təsərrüfatda fermerlə keçirilən görüşdə aqrar sığorta tərəfindən meyvə bağının sığortalanması barədə geniş məlumat verilib. Xüsusi qeyd edilib ki, meyvə bağını sığortalayarkən real zərərin qarşılanması üçün məhsuldarlıq düzgün göstərilməlidir. Fermer Vüsal Qasımov aqrar sığorta mexanizminin fəaliyyətindən razılığını bildirib.
Aqrar Sığorta Fondu Kürdəmir rayonunda da zərər çəkən təsərrüfatlara aqrar sığorta ödənişi həyata keçirib. Rayonun Cəyilli kəndində fermer Orxan Lazımbəyliyə məxsus buğda sahəsinə dolu nəticəsində böyük zərər dəyib. Sahə sığortalı olduğuna görə hadisə Aqrar Sığorta Fondu tərəfindən araşdırılıb, dəymiş zərər hesablanıb və fermerə dəymiş zərərə görə 25 840 manat sığorta ödənişi həyata keçirilib.
Aqrar Sığorta Fondu bir daha fermerləri öz təsərrüfatlarını, xüsusilə də böyük zəhmət tələb edən meyvə bağlarını dövlət dəstəyi ilə sərfəli şərtlərlə sığortalamağa çağırır.
Xatırladaq ki, bu halda sığorta haqqının 50%-ni fermerə dəstək üçün dövlət ödəyir.
Meyvə bağlarını, əkin sahələrini, iri və xırdabuynuzlu heyvanları sığortalamaq üçün Aqrar Sığorta Fondunun 1651 Çağrı Mərkəzinə və Fondun bölgələrdəki filiallarına müraciət etmək kifayətdir.
Məhsul şərtləri, təklif olunan sığorta zərfləri, təminat verilən risklər barədə ətraflı məlumatı www.asf.gov.az rəsmi vebsaytından almaq olar.
Fermerlər ödəyəcəkləri sığorta haqqını “Sığorta kalkulyatoru” vasitəsilə özləri də hesablaya bilərlər.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
