Sığortalı Azərbaycan xəbər verir ki, Azərbaycanda dövlət dəstəyi ilə təqdim edilən aqrar sığorta mexanizmi Aqrar Sığorta Fondu tərəfindən Naxçıvan Muxtar Respublikasında da tətbiq edilir.
Xatırladaq ki, müstəqil aqrar sığorta ekspertləri aqrar sığorta mexanizmində mühüm yer tutur. Ekspertlər sığortalanmaq üçün müraciət etmiş təsərrüfatlara baxış keçirir, onların sığortaya yararlı olub-olmaması haqqında rəy verir. Eləcə də, hadisə baş verən əkin sahələri və təsərrüfatlarda zərərin səbəbini müəyyən etmək və dəymiş zərəri hesablamaq da aqrar sığorta ekspertlərinin fəaliyyətinə aiddir.
Aqrar sığorta eksperti xidməti ödənişlidir və Aqrar Sığorta Fondu ilə bağlanmış müqavilə əsasında bu şəxslərə xidmət haqqı, yol pulu və ehtiyac olduqda mehmanxana xərcləri ödənilir. Nəticədə aqrar sığorta ekspertləri kifayət qədər yüksək gəlir əldə edirlər.
Naxçıvan Muxtar Respublikasında da aqrar sığorta mexanizminin fəaliyyətinin təmin edilməsi üçün yerli aqrar sığorta ekspertlərinin hazırlanmasına başlanılıb.
Mart ayının 11-14-ü tarixlərində Aqrar Sığorta Fondunun mütəxəssisləri tərəfindən Naxçıvan MR-da ilk dəfə olaraq ekspert təlimləri həyata keçirilib.
Burada ekspert olmaq istəyən namizədlərə təsərrüfatların sığortaya yararlı olub-olmamasının müəyyən edilməsi, sığorta hadisələrinin araşdırılması, zərərin hesbalanması, bu zaman diqqət yetirilməli olan məqamlar, ekspert rəyinin hazırlanması və sair mövzularda biliklər verilib.
Təlimdən keçən namizədlər Dövlət İmtahan Mərkəzinin (DİM) təşkil etdiyi imtahanda iştirak edəçəklər. İmtahandan keçmiş namizədlərə aqrar sığorta eksperti sertifikatı verilir və onlar Azərbaycan Mərkəzi Bankında müvafiq reyestrə daxil edilirlər.
Qeyd edək ki, qanunvericiliyə əsasən, müstəqil aqrar sığota ekspertləri bu fəaliyyətlə əsas iş yerlərini itirmədən də məşğul ola bilərlər.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
