Azərbaycanda Novruz və Ramazan bayramları ilə əlaqədar qeyri-iş günlərində (20–31 mart) ölkədə fəaliyyət göstərən qeyri-həyat sığorta şirkətlərinə avtonəqliyyat vasitələrinə və daşınmaz əmlaklara dəymiş zərərlə bağlı ümumilikdə 2 634 müraciət daxil olub.
Sığortalı Azərbaycan xəbər verir ki, müraciətlərin 2 296-sı “Avtonəqliyyat vasitəsi sahiblərinin mülki məsuliyyətinin icbari sığortası”, 321-i “Kasko sığortası”, 17-si isə “Daşınmaz əmlakın icbari sığortası” növü üzrə baş vermiş hadisələrlə bağlı olub.
“Müvafiq qeyri-iş günləri ərzində ölkəmizdə istər Novruz tonqallarına ehtiyatsız yanaşma səbəbilə, istərsə də vətəndaşların bayram səyahətləri zamanı bir sıra bədbəxt hadisələr qeydə alınmış, nəticədə sığortalanmış avtonəqliyyat vasitələrinə, o cümlədən daşınmaz əmlaklara ciddi zərər dəyib. Bu hadisələr üzrə ehtimal olunan ümumi təxmini zərər məbləği 2 milyon 550 min manat məbləğində müəyyən edilib. Hazırda daxil olan bütün müraciətlər üzrə hadisələrin tənzimlənməsi və zərərin qiymətləndirilməsi aparılır. Sığorta hadisəsi kimi tanınan hər bir hadisə üzrə ödənişlərin həyata keçirilməsi nəzərdə tutulur”, – deyə qurumdan bildirilib.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
 ölkədə fəaliyyət göstərən qeyri-həyat sığorta){kind=link}