Sığortalı Azərbaycan xəbər verir ki, günbəgün irəliləyən və inkişaf edən, Azərbaycan sığorta bazarının liderlərindən olan “Atəşgah” sığorta şirkəti 2024-cü ili uğurla başa vurub.
1996-cı ildə təsis edilmiş şirkət 2024-cü il üzrə maliyyə nəticələri ilə bazardakı mövqeyini bir daha təsdiqlədi. Şirkət ili 3,4 milyon manat xalis mənfəətlə tamamlayıb ki, bu da 2023-cü illə müqayisədə 8 dəfəyə yaxın artım deməkdir (2023-cü ildə bu göstərici 437 min manat təşkil edirdi).
“Atəşgah” sığorta şirkətinin ümumi gəlirləri 69,7 milyon manata çatıb, toplanmış sığorta haqları isə 76,5 milyon manat təşkil edib. Eyni zamanda, şirkət 65,5 milyon manat məbləğində xərc və 29,0 milyon manat həcmində sığorta ödənişləri həyata keçirib.
2023-cü il üzrə “Atəşgah” sığorta şirkətinin xalis aktivləri 16,9 milyon manat, 2024-cü ildə isə 18,1 milyon manat olub ki, bu da əvvəlki ilə nəzərən artım deməkdir.
Bu rəqəmlər “Atəşgah” sığorta şirkətinin həm maliyyə dayanıqlılığını, həm də müştərilərinə qarşı öhdəliklərini yüksək səviyyədə yerinə yetirmə qabiliyyətini nümayiş etdirir. Gələcək illərdə də şirkət innovativ yanaşmaları və peşəkar komandası ilə sığorta sektorunun inkişafına töhfə verməyə davam edəcək.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
