Bu ilin aprelin ortalarından başlayan güclü yağışlar və digər təbiət hadisələrindən dəymiş zərər ilə bağlı Aqrar Sığorta Fonduna 30-a yaxın rayondan 120-dən artıq müraciət daxil olub və hazırda müraciətlər davam edir.
Sığortalı Azərbaycan xəbər verir ki, fondun rəhbərliyi təbiət hadisələrinin zərər vurduğu sığortalı təsərrüfatlarda olub. Son günlər baş verən təbiət hadisələri, bölgələrdə güclü yağış və dolu, sel-subasma halları digər sahələrlə yanaşı, kənd təsərrüfatına da təsirini göstərib.
Təbiət hadisələrindən zərər çəkmiş təsərrüfatlar arasında taxıl sahələri, pambıq əkinləri, meyvə bağları və sair təsərrüfatlar var. Daxil olmuş müraciətlər əsasında onlarla müstəqil aqrar sığorta eksperti bölgələrə ezam edilib.
Ekspertlər təsərrüfatlarda baş verən hadisələri və zərərlərin səbəbini araşdırır, dəymiş zərərin ilkin qiymətləndirməsini həyata keçirirlər. Zərərlərin aqrar sığortanın əhatə etdiyi risklərdən baş verdiyi təsərrüfatlara Aqrar Sığorta Fondu tərəfindən sığorta ödənişlərinin edilməsi nəzərdə tutulur.
Hadisə baş vermiş ərazilərdə vəziyyətlə tanış olmaq məqsədilə Aqrar Sığorta Fondunun idarə heyətinin sədri Fuad Sadıqov və fondun nümayəndələri şimal bölgəsindəki sığortalı təsərrüfatlarda olub.
Xaçmaz rayonun Cığatay kəndində yerləşən badam, heyva, nektarin və gilas bağlarına güclü yağış və sel-subasma nəticəsində böyük zərər dəyib. Təsərrüfatdakı ağacların böyük hissəsi su altında qalıb. Aqrar Sığorta Fondunun rəhbərliyi bağa baxış keçirib, fermer və təsərrüfat rəhbərləri ilə baş vermiş hadisəni müzakirə edib, fondun ekspertləri təsərrüfat nümayəndələrinə hadisənin zərərlərini azaltmaq üçün tövsiyələrini veriblər.
Fond rəhbərliyi Xaçmazda şaxta hadisəsi baş vermiş digər meyvə bağında da olub. Bağa baxış zamanı məlumat verilib ki, mart ayının sonunda bölgədə hava şəraitinin kəskin dəyişməsi nəticəsində temperaturun enməsi baş verib və bəzi ağaclar şaxtaya məruz qalıb. Təsərrüfat nümayəndələri temperaturun mənfi 3-4 dərəcəyədək azaldığını bildiriblər. Fondun ekspertləri bağlara baxış keçirib, təsərrüfatın şaxtadan qorunması ilə bağlı tövsiyələrini səsləndiriblər.
Qeyd edilib ki, sözügedən təsərrüfatlar aqrar sığorta mexanizmi ilə sığortalandıqlarına görə, onlara dəyən təsdiqlənmiş zərərlər Aqrar Sığorta Fondu tərəfindən qarşılanacaq.
Xatırladaq ki, Azərbaycanda dövlət dəstəyi ilə təqdim olunan aqrar sığorta mexanizmi təsərrüfatları bütün təbiət hadisələri – dolu, fırtına-qasırğa, sel-subasma, şaxtavurma (donvurma), zəlzələ, torpaq sürüşməsi, daşqın və sair hallardan qoruyur. Eləcə də fermerlər təsərrüfatlarını leysan yağışları, doludan keyfiyyfət itkisi, vəhşi heyvanların vurduğu zərər və 3-cü şəxslərin hərəkətlərindən sığorta edə bilərlər.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
