Sığortalı Azərbaycan xəbər verir ki, Aqrar Sığorta Fondunun nümaynədələri Ağcabədi rayonunda pambıq əkini ilə məşğul olan fermerlərlə görüşlər keçirib.
Görüşlərdə fermerlər və yerli icra qurumları aqrar sığorta mexanizmi haqqında məlumatlandırılıb, Aqrar Sığorta Fondunun (ASF) xidmət və məhsulları təqdim edilib. Xüsusilə pambıq bitkisinin sığorta şərtləri, pambığın sığortalandığı hallar, zərər baş verdikdə sığorta ödənişi prosesi barədə ətraflı məlumat verilib.
Yerli icra hakimiyyətinin dəstəyi ilə təşkil edilən görüşlərdə ölkənin əsas pambıqçılıq şirkətlərindən olan “Prime Cotton” MMC-nin nümayəndələri də iştirak edib.
Sığorta haqqının 50%-ni isə fermerlərə dəstək məqsədilə dövlət ödəyir. Nəticədə Ağcabədi rayonunda 40 sentner pambıq məhsulu gözlənilən 1 hektar sahənin sığortalanması fermerə cəmi 29 manata başa gəlir. Bu – pambıq sahəsindən yığılan məhsulun dəyərinin 1%-dən də azdır.
Ağcabədi rayonunda sığortalanan pambıq sahələri genişləndikcə, zərərlər nəticəsində aqrar sığorta ödənişləri də artmaqdadır. Belə ki, 2022-ci ildə Ağcabədi rayonunda pambıq sığortası üzrə 60 min manat sığorta ödənişi həyata keçirildiyi halda, 2023-2024-cü illərdə bu məbləğ 180-190 min manata yüksəlib.
Nəticədə son 3 il üzrə Ağcabədi rayonu üzrə pambıq fermerlərinə edilən ödənişlər 430 min manata yaxınlaşır.
Görüşlərdə fermerlər bir sıra mühüm məsələlər, o cümlədən pambıq sahələrinin sel-subasma və leysan riskindən sığortası, eləcə də pambığın sığorta tarifləri ilə bağlı suallar səsləndiriblər. Bütün suallar ətraflı cavablandırılıb, fermerlərə zəruri izahlar verilib.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
