Bu ilin yanvar-may aylarında Aqrar Sığorta Fondu fermerlərə 4 milyon manatdan artıq ödəniş edib. Sığortalı Azərbaycan xəbər verir ki, bunu Fondun sədri Fuad Sadıqov keçirdiyi mətbuat konfransında bildirib.
Onun sözlərinə görə, bu rəqəm 2023-cü ildə 2,4 milyon manat, 2024-cü ildə isə 6,4 milyon manat təşkil edib.
Sədr həmçinin deyib ki, ötən il aqrar sığorta müqaviləsi bağlamış hər 100 nəfərdən 6-sı bunu könüllü müraciət əsasında edib: “Onları nə kredit təşkilatları yönəldib, nə də dövlətdən hər hansı dəstək alıblar. Artıq yazlıq əkin dövrü bitib və kifayət qədər sığorta müqaviləsi bağlanılıb”,- deyə o qeyd edib.
Bundan başqa, F.Sadıqov qeyd edib ki, ölkədə taxıldan sonra ən çox pambıq əkilir: “Pambıq ərazilərinin 30 %-i sığortalanıb. Bu, eyni zamanda zərər ödənişlərinin artımına səbəb olur. 2023-cü ildə 950 min manat zərər ödənişi edilibsə, 2024-cü ildə bu rəqəm 1,2 milyon manata çatıb. Bu, bir ilkdir. Pambıq istehsalçıları ötən il gördükləri zərərlər hesabına dediyim məbləği alacaqlar. Onun 50 %-dən çoxu Ağcabədi, Ağdam və Tərtər rayonlarının, yəni Qarabağ iqtisadi rayonunun payına düşür”.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
