Aqrar Sığorta Fondu Samuxda keçirilən “Aqrar Biznes Festivalı” və “II Ərik Festivalı”nda iştirak edib

Sığortalı Azərbaycan xəbər verir ki, Samux rayonunda Kənd Təsərrüfatı Nazirliyi Aqrar İnnovasiya Mərkəzinin, “Regional İnkişaf” İctimai Birliyinin və Samux Rayon İcra Hakimiyyətinin birgə təşkilatçılığı ilə “Aqrar Biznes Festivalı” və “II Ərik Festivalı” keçirilib.
Festivalda Samux Rayon İcra Hakimiyyətinin nümayəndələri, müxtəlif nazirlik və komitələrin məsul şəxsləri, bir neçə ali təhsil müəssisələrinin rəhbərləri, türkdilli dövlətlərin nümayəndələri, yerli və xarici iş adamları, rayon ictimaiyyətinin nümayəndələri və fermerlər iştirak edib.

“II Ərik Festivalı” və “Aqrar Biznes Festivalı” ilə əlaqədar Samux şəhərinin mərkəzi küçə və prospektləri, park və xiyabanlar bəzədilib, yerli sakinlərin və qonaqların iştirakı ilə bayram paradı təşkil olunub.

Samux şəhəri, Heydər Əliyev prospektində yeni salınmış Samux parkında təşkil olunan “II Ərik Festivalı” və “Aqrar Biznes Festivalında” milli mətbəximizə aid təamlar hazırlanıb, yerli fermerlərin yetişdirdiyi ərik meyvəsinin, ərikdən hazırlanan müxtəlif qida məhsullarının, mürəbbələrin, şirələrin stendlərlə təqdimatı olub.

Aqrar Biznes Festivalında kənd təsərrüfatı təyinatlı qurğu və avadanlıqlar, müasir yeni texnologiyalar sərgilənib, aqrar sahədə fəaliyyət göstərən texnika, gübrə, toxum və dərmanlar nümayiş olunub.

Aqrar Sığorta Fondunun Samux filialının da iştirak etdiyi festivalda yerli fermerlərin aqrar sığorta mexanizmi barədə maarifləndirilməsi məqsədilə sığorta şərtləri, güzəştlər, ödəniləcək sığorta haqqının hesablanması ilə bağlı ətraflı məlumat verilib.

Tədbir çərçivəsində “Dövlətin maliyyə mexanizmləri” mövzusunda təşkil olunan panel müzakirəsi zamanı Aqrar Sığorta Fondunun nümayəndələrinin çıxışı maraqla qarşılanıb, iştirakçıların aqrar sığorta ilə bağlı sualları cavablandırılıb.

Hazırda 50% dövlət güzəşti ilə fermerlərə təklif olunan aqrar sığorta mexanizmi bitkilərin, əkin və bağların, heyvandarlıq təsərrüfatlarının risklərdən qorunması, kənd təsərrüfatı sektorundan istehsalın davamlılığın təmin olunması məqsədilə uğurla tətbiq olunur və ildən-ilə əhatə dairəsi genişlənir.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.