Azərbaycanda heyvandarlıq sahəsində sığortanın təşviqi məqsədilə yeni təminat növlərinin əlavə edilməsi nəzərdə tutulur. Sığortalı Azərbaycan xəbər verir ki, bunu Aqrar Sığorta Fondunun (ASF) İdarə Heyətinin sədri Fuad Sadıqov jurnalistlərə açıqlamasında bildirib.
Onun sözlərinə görə, layihəyə əsasən, heyvanların sığortasına balaatma, doğuş zamanı tələfat və yoluxucu olmayan digər xəstəliklər üzrə təminatlar da əlavə olunacaq, halbuki indiyədək sığorta yalnız yoluxucu xəstəlikləri əhatə edirdi.
F. Sadıqov, heyvandarlıq sahəsində ödənişlərin az olmasına münasibət bildirib: “Heyvandarlıq sahəsində ödənişlərin nisbətən az olmasının səbəbi isə bu heyvanların qapalı şəraitdə saxlanması və risklərin az olması ilə bağlıdır. Bitkiçilik isə açıq sahədə olduğu üçün hava və digər təbii risklərə daha çox məruz qalır. Lakin bu demək deyil ki, heyvandarlığa maraq daha az olacaq”.
Qeyd edək ki, “Aqrar sığorta haqqında” qanuna əsasən ölkədə aqrar sığorta sistemi dövlət-özəl əməkdaşlıq prinsipləri əsasında qurulub. Aqrar Sığorta Fondu dövlət tərəfindən təsis olunan və riskləri daşıyaraq sığorta ödənişini həyata keçirən qeyri-kommersiya hüquqi şəxsdir. İdarəedici şirkət isə qeyri-həyat lisenziyasına malik olan sığorta şirkətləri tərəfindən təsis olunan və sığorta müqavilələrinin bağlanmasını təşkil edən müştərək sığortaçıdır. Aqrar sığorta müqaviləsi sığortalı və İdarəedici Qurum tərəfindən bağlanır. İdarəedici Qurum – Aqrar Sığorta Fondun adından aqrar sığorta sisteminin idarəedilməsini həyata keçirən müştərək sığortaçıdır. İdarəedici qurum Azərbaycan ərazisində qeyri-həyat sığortası sahəsi üzrə fəaliyyətə lisenziyaya malik olan hüquqi şəxslər tərəfindən açıq səhmdar cəmiyyəti təşkilati hüquqi formasında bərabər səhmlərlə yaradılır və fəaliyyət göstərir.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
 İdarə Heyətinin sədri Fuad Sadıqov jurnalistlərə açıqlamasında){kind=link}