Sığortalı Azərbaycan xəbər verir ki, gilas bağı sahiblərinə 140 min manata yaxın sığorta ödənişi edilib. Sığortalanan əkin sahələrinin və əhatə olunan sığorta təminatının böyüməsi nəticəsində gilas bağlarından toplanan sığorta haqqının məbləği də artıb. 2024-cü ildə sığortalanan gilas bağları üzrə sığorta haqqı 58 min manat təşkil etmişdi. Qanunvericiliyə əsasən, bu məbləğin 50%-i dövlət tərəfindən qarşılanır və fermerlər gilas bağlarının sığortası üzrə cəmi 29 min manat sığorta haqqı ödəmişdilər.
2025-ci ildə isə sığortalanan gilas bağlarının sahəsinin genişlənməsi və məhsul həcminin artması ilə bağların sığortası üzrə ümumi sığorta haqqı 90 min manat təşkil edib. Burada dövlət tərəfindən ödənilən 50%-lik hissəni nəzərə aldıqda, fermerlərin ödədiyi sığorta haqqı cəmi 45 min manat təşkil edib.
Eyni zamanda 3 bitki – gilas, üzüm və pambıq, yuxarıda sadalanan risklərlə yanaşı, leysan yağışı riskindən də sığorta edilir. Söhbət güclü leysan yağışları zamanı gilas meyvələrinin qabığının partlaması və nəticədə məhsulun zay olması halından gedir.
Sığortalanan bağlarının artması ilə yanaşı, gilas bağları üzrə sığorta ödənişləri də artmaqdadır. Aqrar Sığorta Fonduna sığortalanmış gilas bağlarında müxtəlif hadisələr üzrə müraciətlər daxil olur. Müraciətlərin araşdırılması üçün ərazilərə aqrar sığorta ekspertləri yönəldilib və onlar gilas bağlarında baş vermiş hadisələri araşdıraraq zərərləri hesablayır, bunun əsasında fermerlərə ödənişlər həyata keçirilir.
Bu hesablamalar əsasında Aqrar Sığorta Fondu tərəfindən 2022-2023-cü illər əkin mövsümündə Xaçmaz, İsmayıllı və Qusar rayonlarında müxtəlif hadisələrdən zərər çəkmiş gilas bağı sahiblərinə 52,8 min manat sığorta ödənişi edilib.
2023-2024-cü illər əkin mövsümündə isə Ağstafa, Samux və Şəmkir rayonlarında baş vermiş hadisələr üzrə fermer və təsərrüfatlara ümumilikdə 83,8 min manat sığorta ödənişi həyata keçirilib.
Başqa sözlə, son 2 ildə gilas sahələri üzrə Aqrar Sığorta Fondu tərəfindən ümumilikdə 136,6 min manat sığorta ödənişi edilib.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
