Sığortalı Azərbaycan xəbər verir ki, Aqrar sığorta eksperti olmaq istəyən namizədlər üçün növbəti təlimlər keçirilib. Azərbaycanda dövlət dəstəyi ilə təqdim olunan aqrar sığorta mexanizmi çərçivəsində sığorta hadisələrinin daha operativ və keyfiyyətli araşdırılması, fermerlərə sığorta ödənişlərinin daha sürətli həyata keçirilməsi istiqamətində tədbirlər davam etdirilir.
Bu məqsədlə Aqrar Sığorta Fondunda aqrar sığorta eksperti olmaq istəyən namizədlər üçün növbəti təlimlər keçirilib. Təlimlərdə müxtəlif hadisələrin əkin sahələrinə vurduğu zərərlər, məhsuldarlığa təsirin araşdırılması prosesi, zərərlərin hesablanması və sair məsələlər barədə geniş məlumat verilib.
Aqrar Sığorta Fondunun ofisində və Şamaxı rayonunun meyvə bağlarında keçirilən təlimlərdə ölkənin müxtəlif regionlarından olan 28 namizəd iştirak edib.
Qeyd edək ki, aqrar sığorta ekspertləri – aqrar sığorta mexanizmində mühüm yer tutur. Sığortalanması üçün müraciət edilmiş təsərrüfatlara baxış keçirilərək risklərin qiymətləndirilməsi, eləcə də hadisə baş verən təsərrüfat və əkin sahələrində hadisələrin araşdırılması, dəymiş zərərin hesablanması aqrar sığorta ekspertləri tərəfindən həyata keçirilir.
Aqrar Sığorta Fondunda keçirilən təlimlərdən sonra namizədlər Dövlət İmtahan Mərkəzinin (DİM) təşkil etdiyi imtahanlarda iştirak edəcəklər. Uğur qazanan (60% çox bal toplayan) namizədlər müvafiq sertifikat alacaq, adları Azərbaycan Mərkəzi Bankının (AMB) müvafiq reyestrinə daxil ediləcək və Aqrar Sığorta Fondu ilə xidməti müqavilə bağlayaraq fəaliyyətə başlaya biləcəklər.
Aqrar sığortanın əhatə etdiyi məhsullarının sığorta şərtləri və tarifləri ilə Aqrar Sığorta Fondunun rəsmi internet səhifəsində ətraflı tanış olmaq mümkündür.
Əlavə məlumatları ASF-nin sosial şəbəkə hesablarını izləməklə və 1651 qısa nömrəsi ilə əlaqə saxlamaqla əldə etmək olar.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
