Bu ilin I yarısında Aqrar Sığorta Fondu 13 milyon 115 min manat sığorta haqqı toplayıb. Sığortalı Azərbaycan Fonda istinadən xəbər verir ki, bu, ötən ilin eyni dövrü ilə müqayisədə 18 % çoxdur.
O cümlədən, son 1 ildə bitkiçilik uzrə sığorta haqqı 13 % artaraq 11 milyon 475 min manat, heyvandarlıq üzrə sığorta haqqı isə 65 % artaraq 1 milyon 640 min manat təşkil edib.
Hesabat dövründə 342,6 min hektar əkin sahəsi sığorta edilib və onlara 497 milyon manatlıq təminat verilb. İlk dəfə olaraq çiyələk sahələri sığortalanıb.
Bundan başqa, ölkənin müxtəlif ərazilərindəki təsərrüfatlarda 3 231 baş heyvan sığortalanıb, onlara 19 milyon 747 min manatlıq təminat verilib, ötən ilin eyni dövrünə nisbətən sığortalanan heyvanların sayı 84 % artıb.
Yanvar-iyun aylarında Fond 4 milyon 435 min manat sığorta ödənişi edib ki, bu da 1 il əvvələ nisbətən 55 % çoxdur. O cümlədən, əkin sahələri üzrə 4 milyon 245 min manat, heyvandarlıq üzrə isə 190 min manat ödəniş verilib.
6 ay ərzində əkin sahələrinə ən çox zərər vuran hadisələr – dolu (əkin sahələrinin 65%-i), sel-subasma (15%), fırtına (17%) və leysan (2%) olub.
Hesabat dövründə taxıl, qarğıdalı və pambıq sahələrindən sonra ən çox sığorta ödənişi edilən bitkilər günəbaxan, tütün, armud, şaftalı, şəkər çuğunduru, fındıq, badam və qarpız olub. Ən çox zərər ödənişi həyata keçirilən rayonlar isə Füzuli, Ağcabədi, Tovuz, Tərtər, Ağsu, Hacıqabul, Beyləqan və Şəkidir.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
