Sığortalı Azərbaycan xəbər verir ki, Türkiyə Sığorta və Türkiyə Həyat Emeklilik, 2025-ci ilin üçüncü rübündə sabit böyüməsini davam etdirərək rekord səviyyədə mənfəət əldə edib.
Türkiyə Sığorta, ötən ilin eyni dövrü ilə müqayisədə mənfəətini 49 faiz artıraraq 14,3 milyard TL-ə çatdırıb; sığorta haqları (prim) istehsalında isə 45 faiz artımla 105,1 milyard TL-ə yüksəlib.
Türkiyə Həyat Emeklilik isə ilin ilk 9 ayında ötən ilin eyni dövrü ilə müqayisədə 70 faiz artımla 416 milyard TL həcmində BES fonu böyüklüyünə, 5,1 milyon iştirakçıya və 69 faiz artımla 11,4 milyard TL mənfəətə çatıb.
Həyat sığortası üzrə prim istehsalını da ilin üçüncü rübündə, ötən ilin eyni dövrünə nisbətən 126 faiz artıraraq 20,5 milyard TL-ə yüksəldib və polisə (sığorta müqaviləsi) sayı 6 milyon olub.
Hər iki şirkət ötən ilin eyni dövrü ilə müqayisədə 57 faiz artımla ümumilikdə 25,8 milyard TL xalis mənfəət əldə edib. Beləcə, 2024-cü ilin sonundakı 22 milyard TL-lik xalis mənfəət göstəricisini 2025-ci ilin ilk 9 ayında keçərək öz rekordunu yeniləyib.
Türkiyə Sığorta ilk 9 ayda aktiv böyüklüyünü 58 faiz artıraraq 152,4 milyard TL-ə, öz kapitalını isə 45 faiz artıraraq 41,6 milyard TL-ə çatdırıb. Türkiyə Həyat Emeklilik isə aktiv böyüklüyündə 56 faiz artımla 467,2 milyard TL-ə, öz kapitalında isə 49 faiz artımla 27,3 milyard TL-ə yüksəlib.
“Sığortanın əlçatan və mümkün olması əsas hədəfimizdir”
Davamlı maliyyə uğurları ilə yanaşı, sığortaya çıxışı asanlaşdırmağı və ehtiyaclara uyğun məhsullarla sığortalı sayını artırmağı hədəflədiklərini bildirən Türkiyə Sığorta baş direktoru Taha Çakmak bunları qeyd edib:
“Bizim əsas məqsədimiz davamlı uğurlar qazanmaqla yanaşı, sığortanı hər gün daha geniş kütlələrə çatdırmaqdır. Hər rüb açıqladığımız nəticələrdə bunun təzahürünü görürük və bununla haqlı qürur duyuruq. 2025-ci ilin ilk 9 ayında öz rekordlarımızı qıraraq bazar gözləntilərini aşan prim istehsalına nail olduq və həyat xarici sığorta primlərində ən yaxın rəqibimizlə aramızda 26,5 milyard TL fərq yaratdıq.
Sektor miqyasında baxdıqda, yanğın sığortasında hər 4 polisədən 1-i Türkiyə Sığortanın təminatı altındadır. Həmçinin sağlamlıq, kasko kimi fərdi məhsullarda da sığortalı sayımız hər gün artır. 30 sentyabr tarixinə olan məlumata görə, aktiv kasko polisə sayı 1 milyona çatıb, ən sürətlə böyüyən sahəmiz olan **sağlamlıq sığortasında isə 1 milyon sığortalı həddi keçilib.”
“Taksit kampaniyamızla fərdi sığortalı sayını artırmağı planlaşdırırıq”
Sığorta mədəniyyətini cəmiyyətin bütün təbəqələrinə yaymaq məqsədilə müxtəlif ödəniş asanlıqları təklif etdiklərini bildirən Taha Çakmak əlavə edib:
“31 dekabr 2025 tarixinədək davam edən kampaniyamız çərçivəsində avtomobil sığortasında (trafikdə) 10 taksit, kasko və sağlamlıq sığortalarında isə 12 taksit imkanı təqdim edirik. Bu təşəbbüs yalnız ödəniş asanlığı deyil, həm də müştərilərimizin həyatını rahatlaşdıran və sosial məsuliyyətimizi əks etdirən bir yanaşmadır.”
“Xidmət keyfiyyətini artırmaq öncəliyimizdir”
Çakmak, Türkiyə Sığorta və Türkiyə Həyat Emeklilik markalarının əsas hədəflərindən birinin xidmət keyfiyyətinin artırılması olduğunu vurğulayıb:
“Sektor üçün bir ilk olaraq, kasko sığortasında hadisə zamanı 100 faiz orijinal ehtiyat hissəsi istifadəsi zəmanəti təqdim etməklə müştərilərimizə verdiyimiz güvəni daha da gücləndiririk.
Avtomobil sığortasında hadisələrin 90 faizinə ilk 5 gün ərzində təmir təsdiqi veririk, təmir işlərinin 55 faizini isə ilk 30 gün ərzində tamamlayaraq müştəri məmnuniyyətini ön planda saxlayırıq.
Türkiyənin hər bölgəsində yerləşən geniş tərəfdaş tibb müəssisələri şəbəkəmiz və süni intellekt dəstəkli sürətli provizyon xidmətimiz sayəsində “Sağlamlıqda milyonların təminatı” olmağa davam edirik.
Sağlamlıq sığortasında edilən müraciətlərin 87 faizi süni intellektlə 5 saniyə içində, qalan 13 faizi isə orta hesabla 4 dəqiqə 38 saniyəyə dəyərləndirilir.”
“Ən yüksək gəlir təmin edən şirkətlərdən biri olduq”
Türkiyə Həyat Emeklilik-in maliyyə performansı barədə danışan Taha Çakmak deyib:
“İlin ilk 9 ayında fond böyüklüyündə 70 faiz artımla 416 milyard TL-ə çataraq sektorun üzərində böyümə əldə etdik və liderliyimizi möhkəmləndirdik.
Ən yaxın rəqibimizlə 70 milyard TL-lik fərq yarandı. Sentyabr ayı etibarilə 10 milyard dollar dəyərində fond böyüklüyünə çataraq ölkə iqtisadiyyatına resurs təmin etdik və vətəndaşların yığımına (tasarrufuna) töhfə verdik.
Yalnız fond böyüklüyündə deyil, iştirakçılarımıza təqdim etdiyimiz yüksək gəlir göstəriciləri ilə də sektorda öncül mövqedəyik.
9 aylıq dövrdə sektor üzrə ortalama gəlir 39,8 faiz olduğu halda, biz iştirakçılarımıza 43,6 faiz gəlir təqdim edərək ən yüksək gəlir təmin edən şirkətlərdən biri olduq.”
Fond böyüklüyü və gəlirlərlə yanaşı, iştirakçılara təqdim etdikləri investisiya alətlərinin müxtəlifliyi ilə də fərq yaratdıqlarını bildirən Taha Çakmak sözlərini belə tamamlayıb:
“Qızıldan səhmlərə, kira sertifikatlarından kənd təsərrüfatı və qida sahəsindəki pensiya investisiya fondlarına qədər geniş bir fond çeşidi təqdim etməklə, iştirakçılarımıza yenilikçi və zəngin portfel imkanı yaradırıq.”
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
