“Türk dünyasında “InsurTech” ekosistemi formalaşır, Azərbaycan bu prosesin mərkəzindədir”. Sığortalı Azərbaycan xəbər verir ki, bunu Türk Dövlətləri InsurTech Zirvəsində çıxış edən Azərbaycan Sığortaçılar Assosiasiyasının (ASA) icraçı direktoru Elmar Mirsalayev bildirib.
O, qeyd edib ki, sığorta sektorunun rəqəmsal transformasiyası artıq təkcə trendlə ayaqlaşmaq deyil, iqtisadi dayanıqlığın və innovativ maliyyə sisteminin əsas elementi sayılır.
Elmar Mirsalayevin sözlərinə görə, son illərdə Azərbaycan və Türkiyə sığorta texnologiyalarında irəliləyiş əldə edib, region ölkələri – Qazaxıstan, Özbəkistan və Qırğızıstanla birgə ortaq InsurTech platformasının yaradılması istiqamətində müzakirələr aparılır.
ASA rəsmisi vurğulayıb ki, rəqəmsallaşma prosesinin strateji şəkildə aparılması üçün beşmərhələli yol xəritəsi hazırlanır. Bu yol xəritəsi infrastrukturun modernləşdirilməsini, süni intellekt və məlumat analitikasının tətbiqini, müştəri təcrübəsinin rəqəmsallaşdırılmasını, hüquqi bazanın uyğunlaşdırılmasını və Türk dövlətləri arasında bilik mübadiləsini nəzərdə tutur.
“Əgər bu imkanları birləşdirə bilsək, yaxın 5 ildə Türk dünyası sığorta texnologiyalarında qlobal mərkəzə çevrilə bilər”, – deyə Elmar Mirsalayev əlavə edib.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
 icraçı direktoru Elmar Mirsalayev bildirib.){kind=link}