Sığortalı Azərbaycan xəbər verir ki, “İnnovasiyalar Mərkəzi” MMC və “Atəşgah” Sığorta Şirkəti ASC arasında Anlaşma Memorandumu imzalanıb.
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində fəaliyyət göstərən “İnnovasiyalar Mərkəzi” MMC ilə ölkənin aparıcı sığorta şirkətlərindən biri olan “Atəşgah” Sığorta Şirkəti ASC arasında əməkdaşlığa dair Anlaşma Memorandumu imzalanıb.
Sənədi “Atəşgah” Sığorta Şirkəti ASC-nin İdarə Heyətinin sədri Elçin Əhmədov və “İnnovasiyalar Mərkəzi” MMC-nin direktoru Vüsal Rüstəmov imzalayıblar.
Memorandum çərçivəsində tərəflər innovativ yanaşmaların təşviqi, maarifləndirici və sosial yönümlü layihələrin həyata keçirilməsi, eyni zamanda tələbə və gənclər üçün təcrübə proqramlarının təşkilində əməkdaşlıq edəcəklər.
Xüsusilə qeyd edilməlidir ki, Memorandumun mühüm komponentlərindən biri də “Atəşgah” Sığorta Şirkətinin təşəbbüsü ilə ASAN İnnovativ İnkişaf Mərkəzində yaradılan və gənclər üçün ödənişsiz sığorta təlimlərin keçiriləcəyi “AI Zone” otağının fəaliyyətə başlamasıdır.
Layihə çərçivəsində atılan bu addım, gənclərin sığorta sahəsində maariflənməsi və təlimlərdə fəal iştirakı üçün əhəmiyyətli imkanlar yaratmaqla yanaşı, Avtonəqliyyat vasitəsi sahiblərinin məsuliyyətinin icbari sığortası və Daşınmaz əmlakın icbari sığorta növləri üzrə sığorta hadisələrinin qarşısının alınmasında dəstək göstərməyi hədəfləyir.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
