Orta hesabla 5 milyon vətəndaşa icbari tibbi sığorta çərçivəsində xidmət göstərilir, bu, kifayət qədər böyük rəqəmdir. Sığortalı Azərbaycan xəbər verir ki, bunu Milli Məclisin Təbii ehtiyatlar, energetika və ekologiya, Əmək və sosial siyasət, Səhiyyə, Beynəlxalq münasibətlər və parlamentlərarası əlaqələr komitələrinin birgə iclasında maliyyə naziri Sahil Babayev deyib.
Maliyyə naziri bildirib ki, 2 milyondan artıq muzdla işləyən, sahibkarlıqla məşğul olaraq icbari tibbi sığortanı özü ödəyən vətəndaş var: “Ancaq icbari tibbi sığorta ilə bağlı dövlətin ödədiyi kəsim ciddi şəkildə artıb. Pensiyaçılar, əyani təhsil alanlar, uşaqlar və s. daxil olmaqla, çox geniş kəsim dövlətin öhdəliyindədir. Özü tərəfdən icbari tibbi sığorta haqqını ödəyənlər isə rəsmi şəkildə çalışanlardır. Gəliri olan, öz gəlirini gizlədən şəxslər qeyri-formal məşğuldur. Yalnız onlara nisbətdə icbari sığorta haqqını özlərinin birdəfəlik ödəməsi ilə bağlı tənzimləmə tətbiq edəcəyik. Bu qanunla qadağan olunmuş şəkildə, gəlirlərini gizlədən, qeydiyyatdan yayınan şəxslərdir. Qanunu pozanlar birdəfəlik sığorta haqqını özləri ödəyəcək”.
İcbari Tibbi Sığorta üzrə Dövlət Agentliyi İdarə Heyətinin sədri Zaur Əliyev isə qeyd edib ki, qeyri-formal məşğulluqda olan şəxslər, yəni sığorta sisteminə daxil olmayan şəxslər belə, ilkin səhiyyə xidməti və təcili tibbi yardım xidmətlərindən ödənişsiz şəkildə yararlana bilirlər: “Yəni hər hansı təcili tibbi yardım halında bu şəxslər xidmətlərdən məhrum qalmayacaqlar”.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
