Onkohematoloji xəstəliklər – qan, limfa və onlara yaxın toxumalarda yaranan bədxassəli şişlərdir (məsələn, leykemiya, limfoma, çoxsaylı mieloma və s.). Bu xəstəliklər mənşəyinə, yayılma tezliyinə və gedişinə (xroniki və ya kəskin) görə fərqlənir. İlk simptomları bir çox digər xəstəliklərdə də müşahidə olunan halsızlıq, ümumi zəiflik, səbəbsiz qızdırma, gecə tərləmələri və s. ola bilər. Erkən diaqnostika və vaxtında tibbi müdaxilə xəstəliyin gedişatında həyati əhəmiyyət daşıyır. Sığortalı Azərbaycan xəbər verir ki, bu qrup xəstəliklərin diaqnostikası icbari tibbi sığortanın Xidmətlər Zərfi çərçivəsində təminata alınıb.
Xidmətlər Zərfi çərçivəsində pasiyentlərə ilkin mərhələdə hematoloq və ya onkoloq tərəfindən müayinə aparılır, zəruri laborator və instrumental-diaqnostik müayinələr icra edilir.
Diaqnostika prosesinə qanın ümumi və biokimyəvi analizi, koaquloqramma (laxtalanma), eləcə də qanın morfoloji analizi daxildir. Bundan əlavə, sümük iliyi biopsiyası, immunofenotipləmə, sitogenetik və molekulyar testlər vasitəsilə xəstəliyin növü və mərhələsi müəyyənləşdirilir. Leykemiya və limfoma üçün periferik qan, sümük iliyi və bədən mayesindən aparılan panellər, eləcə də digər laborator müayinələr Xidmətlər Zərfinə daxildir və bu xəstəliklərin diaqnostikası üçün vacib sayılır.İnstrumental-diaqnostik müayinələrdən daha çox ultrasəs, rentgen, kompüter tomoqrafiyası (KT), maqnit-rezonans tomoqrafiyası (MRT) istifadə olunur.
Müasir laborator və görüntüləmə üsulları sayəsində xəstəliklər erkən mərhələdə aşkarlanır və müalicə prosesi daha dəqiq müəyyən edilir. Bu müayinələr nəticəsində əldə edilən məlumatlar həkimlərə xəstəliyin gedişatını izləməyə, orqanizmdə yaranan dəyişiklikləri vaxtında müəyyənləşdirməyə və düzgün müalicə taktikasını seçməyə imkan verir.
tibbi xidmətlər tibbi göstəriş əsasında TƏBİB-in tabeliyindəki dövlət tibb müəssisələrində, Səhiyyə Nazirliyinin tabeliyindəki müvafiq elmi-tədqiqat institutlarında və göndəriş əsasında İcbari Tibbi Sığorta üzrə Dövlət Agentliyi ilə müqaviləsi olan tibb müəssisələrində (özəl və müvafiq dövlət qurumlarının tabeliyindəki) icra olunur.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
