Sığortalı Azərbaycan xəbər verir ki, Azərbaycanda dövlət dəstəyi ilə uğurla təqdim olunan aqrar sığorta mexanizmi və onun aqrar sahəyə töhfəsi elm və təhsil sahəsinin də diqqətini cəlb edib.
Ölkəmizin ən nüfuzlu təhsil ocaqlarından biri olan Bakı Dövlət Universitetində 2025-2026-cı tədris ilindən aqrar sığorta fənninin tədrisinə başlanılıb.
“Bitkilərin sığortalanmasında risklərin və zərərin qiymətləndirilməsi” fənni Universitetin “Biologiya” fakültəsinin magistratura pilləsində tədris edilir.
Aqrar sığorta fənni çərçivəsində tələbələr müxtəlif təbiət hadisələri və digər halların əkin sahələri üçün yaratdığı risklər, həmin risklərin qiymətləndirilməsi, əkin sahələrində baş verən sığorta hadisələrinin araşdırılması və zərərin hesablanması üsullarını mənimsəyirlər.
Bakı Dövlət Universitetində aqrar sığorta fənninin tədrisinə həsr olunmuş açıq dərsdə “Biologiya” fakültəsinin dekanı, biologiya elmlər doktoru, professor Afət Məmmədova dünyada baş verən iqlim dəyişikliklərinin, bu prosesin təbiətə və aqrar sahəyə təsirinə diqqəti çəkib.
Fənnin bilavasitə tədrisi ilə məşğul olan tanınmış mütəxəssis, müstəqil aqrar sığorta eksperti Zülfü Məmmədov ölkəmizdə tətbiq olunan aqrar sığorta mexanizmi, onun faydaları, kənd təsərrüfatı üçün əhəmiyyətini qeyd edib. Ekspert bildirib ki, son illər iqlim dəyişiklikləri səbəbindən – dolu, şiddətli küləklər, quraqlıq və sair təbiət hadisələrinin sayı kəskin artıb. Belə vəziyyətdə bitkilərə, o cümlədən əkin sahələrinə dəyən zərərin düzgün qiymətləndirilməsi mühüm əhəmiyyət daşıyır.
Qeyd edək ki, BDU-da aqrar sığortaya aid sözügedən fənnin bakalavr pilləsində də tədrisi nəzərdə tutulur. Bu addım ölkəmizin qocaman elm ocaqlarından olan Bakı Dövlət Universitetinin müvafiq ixtisaslı tələbələrinin imkanlarının və təcrübələrinin artırılmasına, onların biliklərinin daha geniş sahədə tətbiq olunmasına və uğurla tətbiq olunan aqrar sığorta prosesində tələbələrin iştirakına şərait yaradacaq.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
