“Bu ildən kiberrisklər sığorta bazarında daha aktual olacaq”- Elmar Mirsalayev

2026-cı ildə kiberrisklər sığorta bazarında daha aktual risklərdən birinə çevriləcək. Sığortalı Azərbaycan xəbər verir ki, “Report”a açıqlamasında “Azərbaycan Sığortaçılar Assosiasiyası” İctimai Birliyinin İcraçı direktoru Elmar Mirsalayev bildirib.

Onun sözlərinə görə, risklər qaçılmazdır və sığorta bu risklərə qarşı maliyyə sabitliyini təmin edən əsas mexanizmdir.

“2026-cı ildə də həm ənənəvi, həm də qeyri-ənənəvi risklər актуallığını qoruyacaq. Yanğın, partlayış, subasma, təbii fəlakətlər, yol-nəqliyyat hadisələri, sağlamlığın itirilməsi və istehsalatda bədbəxt hadisələr ənənəvi risklər sırasına daxildir. Bununla yanaşı, kiberrisklər yenilənən dünyada getdikcə daha акtual xarakter alır. Bu risklərə qarşı maliyyə təminatının əsas vasitəsi kimi bir sıra sığorta növləri ön plana çıxır. Belə ki, “Daşınmaz əmlakın icbari sığortası” yaşayış və qeyri-yaşayış obyektlərini yanğın, partlayış və təbii fəlakətlər kimi risklərdən qoruyur”.

İcraçı direktor bildirib ki, yol-nəqliyyat riskləri üzrə isə “Avtonəqliyyat vasitəsi sahiblərinin mülki məsuliyyətinin icbari sığortası” və “Kasko” sığortası daha акtual hesab olunur: “Sağlamlıq risklərini əhatə edən “Könüllü tibbi sığorta” növü də aktual olaraq qalır. İstehsalat mühitində risklərin qarşısının alınması üçün isə “İstehsalatda bədbəxt hadisələr və peşə xəstəlikləri nəticəsində əmək qabiliyyətinin itirilməsi hallarından icbari sığorta” mühüm əhəmiyyət daşıyır”.

E.Mirsalayev vurğulayıb ki, qeyri-ənənəvi risklər arasında kiberrisklər xüsusi yer tutur: “Bank kartlarına müdaxilə, rəsmi səhifələrin ələ keçirilməsi və digər kibertəhlükəsizlik pozuntularına qarşı artıq yerli sığorta bazarında kibersığorta məhsulları mövcuddur və bu məhsulların əhatəsinin genişləndirilməsi istiqamətində işlər davam etdirilir. Assosiasiya vətəndaşlara gözlənilməz risklərə laqeyd yanaşmamağı, maliyyə sabitliklərini təmin etmək üçün vaxtında sığortalanmağı tövsiyə edir”.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.