Müstəqil aqrar sığorta ekspertləri-nin gəlirləri açıqlanıb.
Sığortalı Azərbaycan xəbər verir ki, Azərbaycanda dövlət dəstəyi ilə tətbiq edilən aqrar sığorta mexanizmindən təkcə fermerlər və təsərrüfat sahibləri deyil, bu sistemlə əməkdaşlıq edən müstəqil aqrar sığorta ekspertləri də faydalanırlar.
Aqrar sığorta qaydalarına əsasən, müstəqil aqrar sığorta ekspertləri sığortalanma prosesində riskləri qiymətləndirir, sığorta hadisəsi baş verdikdə isə hadisənin səbəbini müəyyən edərək dəyən zərəri hesablayırlar. Müstəqil ekspertin rəyi əsasında təsərrüfat sahibinə ödəniş edilir.
Ekspert xidməti ödənişlidir – bu xidmətlərin müqabilində aqrar sığorta ekspertlərinə xidmət haqqı və qət edilən məsafəyə görə yol xərci ödənilir.
Azərbaycanda Aqrar Sığorta Fondu tərəfindən aqrar sığortanın tətbiqindən qısa müddət keçməsinə baxmayaraq fəaliyyətə başlayan yerli aqrar sığorta ekspertləri artıq yüksək gəlir əldə etməyə başlayıblar.
Belə ki, müstəqil ekspertlər qısa müddət ərzində ölkənin əksər ərazilərində 1700-ə yaxın kənd təsərrüfatı heyvanına baxış keçirib, onlarla sığorta hadisəsini araşdırıb, bu zaman minlərlə kilometr yol qət ediblər. Nəticədə onlara təkcə iyul ayında böyük məbləğlərdə xidmət haqqı və yol xərci ödənilib.
Aqrar sığorta prosesində çalışan ekspertlərin aylıq gəlirləri 1 250 – 2 300 manat arasında dəyişib.
Müstəqil aqrar sığorta ekspertlərinin gəlirləri onların aktivliyindən – təsərrüfatlara çıxışların və müayinə etdiyi heyvanların sayından, qət etdiyi məsafədən asılı olaraq dəyişir.
Bunu iyul ayında ən çox gəlir əldə edən 3 müstəqil aqrar sığorta ekspertinin nümunəsində görmək mümkündür. İyul ayında ən çox gəlir əldə edən 3 müstəqil aqrar sığorta ekspertlərinin aylıq gəlirləri – 2693 manat, 2603 manat və 2537 manat təşkil edib.Aqrar sığorta prosesində çalışan digər ekspertlərin də aylıq gəlirləri bu göstəricilərdən asılı olaraq 1 250 – 2 300 manat arasında dəyişib.
Qeyd edək ki, müstəqil aqrar sığorta eksperti bütün dünyada, o cümlədən Azərbaycanın təcrübəsindən istifadə etdiyi Türkiyədə yüksək gəlirli peşələrdən sayılır. Azərbaycanda da müstəqil ekspertlər fəaliyyətə başlayandan dərhal sonra onlar yüksək gəlirli peşələr sırasına yüksəlib.
Aqrar sığorta-nın əhatə dairəsi genişləndikcə aqrar sığorta ekspertlərinin sifarişləri və gəlirləri daha da artaracaq.
Xatırladaq ki, müstəqil aqrar sığorta peşəsinə yiyələnmək istəyən mütəxəssislər Dövlət İmtahan Mərkəzinin (DİM) təşkil etdiyi test imtahanlarından keçməli və Aqrar Sığorta Fondunun (ASF) təşkil etdiyi təlimlərdə iştirak etməlidirlər.
Qeyd edək ki, ekspertlərin hazırlanması prosesi davamlıdır və imtahanlar mütəmadi keçirilir. Bu peşəyə maraq göstərənlər imtahanlardan xəbər tutmaq üçün DİM-in və ASF-nin internet səhifələrini izləyə bilərlər.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumatları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz
