Sığortalı Azərbaycan xəbər verir ki, “PAŞA Həyat” təhsil sahəsində olan töhfəsinin gücləndirilməsi, təhsil keyfiyyətinin və tələbələrin peşə fəaliyyətinin yaxşılaşdırılması çərçivəsində universitetlərlə əməkdaşlığı uğurla davam etdirir.
Ölkənin lider həyat sığorta şirkəti olan PAŞA Həyat oktyabr ayı ərzində Bakı Ali Neft Məktəbi, Bakı Dövlət Universiteti, Azərbaycan Texniki Universiteti və Azərbaycan Dövlət İqtisad Universiteti nin tələbələri üçün onların peşəkar inkişafına yönəldilmiş bir sıra tədbirlər təşkil etmişdir və eyni zamanda, həmin universitetlər tərəfindən təşkil olunmuş tədbilərdə də aktiv iştirak edərək tələbələrin gələcək karyera həyatlarına dair dəyərli töhfələr vermişdir.
Belə ki, 20 oktyabr tarixində Azərbaycan Texniki Universitetində və 26 oktyabr tarixində Bakı Dövlət Universitetində baş tutan Karyera Sərgisi tədbirlərinə PAŞA Həyat qatılaraq aktiv vakansiyaları tələbələr və məzunlarla bölüşüb. Həmçinin, 27 oktyabr tarixində PAŞA Həyat Bakı Dövlət Universitetinin tələbələri üçün Marketinq mərkəzinin rəhbəri Ruslan Ələkbərov tərəfindən “Marketing in one day” adlı bilik mübadiləsi sessiyası təşkil olunub.
Universitetlərin təşkil etdiyi tədbirlərlə yanaşı PAŞA Həyat öz təşəbbüsü ilə 22 oktyabr tarixində Bakı Ali Neft Məktəbi ilə olan əməkdaşlıq çərçivəsində sözügedən universitetin tələbələri üçün “Nə? Harada? Nə zaman?” İntellektual oyununu keçirib. Qeyd edək ki, 200-dən çox tələbənin iştirak etdiyi oyunda ümumilikdə 38 komanda yarışıb və nəticədə təşkil edilən intellektual oyun iştirakçı sayına görə rekord nəticə göstərib. Sonda ilk 3 yeri tutan komandalar kuboklar və digər hədiyyələrlə mükafatlandırılıb.
Bundan əlavə, 21 oktyabr tarixində PAŞA Həyat əməkdaşları Azərbaycan Dövlət İqtisad Universitetinin tələbələrini şirkətin inzibati binasında qonaq qismində qəbul edərək şirkət haqqında ətraflı məlumatları bölüşüb və onları şirkətlə tanış edib.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
– Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
