Ləğv edilən Naxçıvan MR Dövlət Sığorta Xidmətinin öhdəlikləri icra edildikdən sonra aktivləri “Azərsığorta” şirkətinə ötürülə bilər. Sığortalı Azərbaycan xəbər verir ki, bunu “APA-Economics”in sualına cavab olaraq Azərbaycan Mərkəzi Bankının sədri Taleh Kazımov deyib.
“Sığorta xidmətinin öhdəliklərin icrası ilə bağlı hüquqi bazaya baxılır. Qısa zamanda ətraflı məlumat veriləcək” – AMB sədri əlavə edib.
Xatırladaq ki, Naxçıvan MR Dövlət Sığorta Xidməti NMR Dövlət Sığorta Baş Agentliyi adı ilə 1994-2021-ci illərdə “Azərsığorta”nın tərkibində fəaliyyət göstərib. Agentlik 2021-ci ildə isə Naxçıvan Muxtar Respublikası Ali Məclisinin keçmiş sədri Vasif Talıbovun sərəncamı ilə “Naxçıvan MR Dövlət Sığorta Xidməti” publik hüquqi şəxsinə çevrilib.
Ölkə ərazisində sığorta fəaliyyəti lisenziyalı fəaliyyət növüdür və bununla bağlı icazələr Azərbaycan Mərkəzi Bankı (AMB) tərəfindən verilir. Xidmət isə 2023-cü ilə kimi AMB-nin lisenziyası olmadan fəaliyyət göstərib. Bu məsələnin gündəmə gəlməsi ilə Naxçıvan MR Ali Məclisi bu il mayın 3-də Xidmətin ləğv edilməsi ilə bağlı sərəncam imzalayıb. Xidmət fəaliyyətdə olduğu dövrdə sığorta portfeli ilə bağlı hər hansı məlumat açıqlamadığı üçün öhdəliklərin həcmi məlum deyil.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
