Aqrar Sığorta Fondunda mina təhlükəsinə dair təlim keçirilib – Sığortalı Azərbaycan xəbər verir ki, işğaldan azad edilmiş ərazilərdə məskunlaşma və iqtisadi canlanma davam edir.
Ərazilərin kənd təsərrüfatı məqsədilə istifadəsinə tələbin artması ilə bölgəyə aqrar sığorta ekspertlərinin səfərləri də artmaqdadır.
Azad olunan ərazilərdə hələ də çoxsaylı minalar və hərbi sursatların olması burada fəaliyyət göstərən ekspertlərin həyatı üçün təhlükə yaradır.
Bunu nəzərə alaraq və işğaldan azad edilmiş ərazilərdə əməkdaşların təhlükəsizliyini təmin etmək məqsədilə martın 11-də Aqrar Sığorta Fondunda Azərbaycan Respublikası Minatəmizləmə Agentliyinin (ANAMA) mütəxəssisləri tərəfindən “Mina və partlayıcı sursatların təhlükəsinə dair maarifləndirmə” mövzusunda təlim keçirilib.
Təlimdə Aqrar Sığorta Fondunun və “Aqrar Sığorta Müştərək Sığorta Şirkəti” ASC-nin əməkdaşları, heyvandarlıq və bitkiçilik sahəsi üzrə müstəqil aqrar sığorta ekspertləri iştirak ediblər.
İşğaldan azad olunmuş ərazilərdə mina və partlayıcı sursatların həm əhali, həm də həmin ərazilərdə çalışan dövlət qurumlarının əməkdaşları üçün yaratdığı təhlükələr barədə əvvəlcədən məlumatlanma məqsədilə keçirilən tədbirdə 30-dan artıq əməkdaş iştirak edib.
ANAMA-nın Maarifləndirmə və zərərçəkənlərlə iş şöbəsinin aparıcı mütəxəssisi Zamiq Aslanov mina hadisələrinin insanların həyatına vurduğu fiziki, sosial və maddi zərərdən danışıb.
Videotəlimatlar və əyani nümunələr vasitəsilə təlim iştirakçılarına müxtəlif təyinatlı mina və partlayıcı qurğuların təhlükələri, onları müəyyən edib qorunmaq qaydaları barədə məlumat verilib. Döyüşlərin getdiyi ərazilər, təmizlənmiş və mina baxımından riskli ərazilərin işarələrlə necə ayırd edilməsi, naməlum ərazidə davranış qaydaları ətraflı izah edilib.
Təlimin sonunda Aqrar Sığorta Fondunun təlimdə iştirak edən nümayəndələrinin sualları cavablandırılıb, onlara mina təhlükəsizliyi qaydaları barədə məlumat broşürü təqdim edilib.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
