Azərbaycanlı sığortaçılar Türkiyədə keçiriləcək tədbirdə iştirak edəcəklər

Azərbaycanın peşəkar sığorta bazarı iştirakçıları gələn ay Türkiyədə keçiriləcək sığorta həftəsi tədbirlərində iştirak edəcəklər. Sığortalı Azərbaycan xəbər verir ki, bunu “Report”a açıqlamasında “Azərbaycan Sığortaçılar Assosiasiyası” (ASA) İctimai Birliyinin İcraçı direktoru Elmar Mirsalayev bildirib.

“ASA ilə Türkiyə Sığorta Birliyi arasında olan əməkdaşlıq çərçivəsində ölkəmizin peşəkar sığorta bazarı iştirakçılarından ibarət heyət oktyabr ayının ilk həftəsində Türkiyədə sığorta həftəsi çərçivəsində təşkil olunacaq tədbirlərdə iştirak edəcəklər. 1-2 oktyabrda İstanbul şəhərində “Beynəlxalq Sığorta Zirvəsi”, 3-5 oktyabrda isə Antalya şəhərində “Beynəlxalq Sığorta Konqresi və Sərgisi” təşkil olunacaq”. Bu, iki qardaş ölkə arasında sığorta sahəsində əlaqələrin daha da möhkəmlənməsinə təkan verəcək” – deyə o qeyd edib.

“ASA olaraq artıq 4 ildir ki, qardaş ölkə Türkiyənin sığorta sektoru ilə, bilavasitə Türkiyə Sığorta Birliyi ilə sıx əməkdaşlıq edirik. Bu əməkdaşlıq Türkiyənin sığorta təcrübəsinin yaxından öyrənilməsinə, habelə geniş spektrli beynəlxalq əlaqələrin formalaşdırılmasına təkan verir. Antalyada təşkil olunacaq sayca 3-cü “Beynəlxalq Sığorta Konqresi və Sərgisi”ndə ilk dəfə olaraq Azərbaycanın stendi yer alacaq. Bu stend ölkəmizin sığorta sahəsində qazandığı nailiyyətlərin tanıdılmasında bir pəncərə rolunu oynayacaq”, – deyə E.Mirsalayev əlavə edib.

Azərbaycan ilə Türkiyənin sığorta bazarları arasında sistemli əlaqələr 7 dekabr 2020-ci ildə ASA ilə Türkiyə Sığorta Birliyi arasında imzalanmış Memorandumla yaradılıb.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.