Sığortalı Azərbaycan xəbər verir ki, 12 may 2025-ci il tarixində “Atəşgah” Sığorta Şirkəti ASC-nin Direktorlar Şurasının tərkibində dəyişiklik baş verib. Belə ki, Azər Allahverdi oğlu Əliyev “Atəşgah” Sığorta Şirkətinin Direktorlar Şurasının üzvü vəzifəsinə təyin olunub.
Qeyd edək ki, sığorta sahəsində uzunmüddətli və zəngin təcrübəyə malikdir Azər Əliyev 2008–2010-cu illərdə və 2017–2022-ci illərdə “Atəşgah” Sığorta Şirkətinin İdarə Heyətinin sədri vəzifəsində çalışıb.
O, həmçinin digər nüfuzlu qurumlarda da rəhbər vəzifələrdə çalışmışdır. 2019-cu ildən etibarən Azərbaycan Sığortaçılar Assosiasiyasının sədri, daha sonra isə qurumun Müşahidə Şurasının sədri vəzifəsini icra etmişdir. Bununla yanaşı, Azər Əliyev İcbari Sığorta Bürosunun Himayəçilər Şurasında sədr və sədr müavini kimi də fəaliyyət göstərib.
Peşəkar fəaliyyəti dövründə Azər Əliyev üzərinə düşən vəzifələri məsuliyyətlə yerinə yetirmiş, “Atəşgah” Sığorta Şirkətinin qazandığı uğurlarda əhəmiyyətli rol oynamışdır. O, həmçinin Azərbaycan Respublikasının Mərkəzi Bankı və Azərbaycan Sığortaçılar Assosiasiyasının təşəbbüsü ilə həyata keçirilən bir sıra maarifləndirici layihələrdə fəal iştirak etmiş, ölkədə sığorta mədəniyyətinin formalaşmasında mühüm rol oynayıb.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
