“Caspian Agro” sərgisində Aqrar Sığorta ilə bağlı panel keçirilib

Sığortalı Azərbaycan xəbər verir ki, Bakıda keçirilən “Caspian Agro” 18-ci Azərbaycan Beynəlxalq Kənd Təsərrüfatı Sərgisi çərçivəsində mayın 15-də “Aqrar sığorta sisteminin inkişaf perspektivləri: Azərbaycan təcrübəsi, çağırışlar və beynəlxalq təcrübə” mövzusunda panel müzakirələri keçirilib.

Panel müzakirəsində spiker qismində Aqrar Sığorta Fondunun İdarə Heyətinin sədri Fuad Sadıqov, BMT-nin Ərzaq və Kənd Təsərrüfatı Təşkilatının Azərbaycandakı Nümayəndəsi Nasar Hayat, Özbəkistan Respublikasının İqtisadiyyat və Maliyyə Nazirliyinin nümayəndəsi Botir Usmonaliyev, Azəbaycam Mərkəzi Bankı Sığorta nəzarəti departamentinin direktor müavini, Aqrar Sığorta Fondunun Himayəçilər Şurasının üzvü Anar İslamov, “Prime Cotton” MMC-nin Tədqiqat və İnkişaf üzrə rəhbəri Fərid Firudinov iştirak edib.

Tədbirdə Azərbaycanda aqrar sığorta mexanizmi, onun yaratdığı imkanlar, iqlim dəyişiklikləri fonunda aqrar sığortanın fermerlərə dəstək imkanları müzakirə edilib.

Aqrar sığorta sisteminin mövcud vəziyyəti barədə məlumat verən ASF-nin İdarə Heyətinin sədri Fuad Sadıqov bildirib ki, 5 il əvvəl yaradılan mexanizm artıq fermerlərin risklərini qarşılamaqdadır. Təkcə son 2 ildə Aqrar Sığorta Fondu tərəfindən fermerlərə 15 milyon manatdan artıq sığorta ödənişi edilib və bu vəsaitlər hər gün artmaqdadır.

BMT-nin Ərzaq və Kənd Təsərrüfatı Təşkilatının Azərbaycandakı Nümayəndəsi Nasar Hayat dünyada iqlim riskləri, kənd təsərrüfatına təsiri və risklərin idarə edilməsi təcrübəsində aqrar sığortanın rolu barədə fikirlərini paylaşıb.

Botir Usmonaliyev, Özbəkistanda kənd təsərrüfatı risklərinin qarşılanması üçün aqrar sığorta modelinin qurulması barədə məlumat verərək, bu prosesdə Azərbaycan təcrübəsindən istifadə edildiyini bildirib.

Azəbaycan Mərkəzi Bankı Sığorta nəzarəti departamentinin direktor müavini, Aqrar Sığorta Fondunun Himayəçilər Şurasının üzvü Anar İslamov, aqrar sığortanın ölkənin sığorta sistemində yeri və sığorta xidmətlərinin populyarlaşmasında rolu ilə bağlı fikirlərini açıqlayıb.
“Prime Cotton” MMC-nin Tədqiqat və İnkişaf üzrə rəhbəri Fərid Firudinov iqlim dəyişmələri və təbiət hadisələrinin biznes üçün yaratdığı risklər barədə məlumat verib.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.