“PAŞA Sığorta” şirkəti və Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyi (DTSERA) arasında tibbi-sosial reabilitasiya xidmətlərinə dair əməkdaşlıq müqaviləsi imzalanıb.
Sığortalı Azərbaycan xəbər verir ki, əməkdaşlıq çərçivəsində “PAŞA Sığorta” şirkətinin müştəriləri Agentlik tərəfindən göstərilən tibbi, sosial-psixoloji reabilitasiya və abilitasiya xidmətlərindən faydalana biləcəklər.
Bu xidmətlərə həkim müayinəsi, fizioterapiya və elektroterapiya, müalicəvi bədən tərbiyəsi, müalicəvi idman, müalicəvi masaj, manipulyasiya, psixoloji xidmətlər, əmək terapiyası, loqopedik müayinə və korreksiya daxildir.
Qeyd olunan xidmətlər Agentliyin paytaxt və bölgələrdəki 15 reabilitasiya müəssisəsində (o cümlədən, paytaxtdakı Şağan və Mərdəkan Reabilitasiya Pansionatları, Bakı, Sumqayıt, Şirvan, Şəki, Xaçmaz, Lənkəran, Yevlax, Naftalan və s. şəhər və rayonlardakı reabilitasiya mərkəzlərində) həyata keçirilir.
Müasir infrastruktura malik müəssisələrdə peşəkar həkim komandası çalışır və ən son texnoloji yeniliklər və avadanlıqlar, qabaqcıl reabilitasiya metodları və xidmətləri tətbiq edilir.
Qeyd edək ki, “PAŞA Holding” qrupunun üzvü olan, 2006-cı ildən fəaliyyət göstərən, qeyri-həyat sığorta sektorunun bazar payına görə lideri olan “PAŞA Sığorta” 700 minə yaxın korporativ və fərdi müştərisinə 36 növ könüllü və icbari sığorta üzrə xidmət göstərir.
“S&P Global Ratings” beynəlxalq reytinq agentliyi “PAŞA Sığorta” ASC-nin emitentin uzunmüddətli kredit reytinqini və maliyyə dayanıqlılığı reytinqini “BB+”, reytinq üzrə proqnozu isə “Stabil” səviyyəsində təsdiqləyib.
Şirkət kapitalının, sığorta yığımlarının, sığorta ödənişlərinin həcmi və digər göstəriciləri ilə sığorta bazarının lider və ən böyük sığorta şirkətlərindəndir.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
