“PAŞA Sığorta”-da yeni təyinat

“PAŞA Sığorta” şirkətində yeni təyinat baş tutub. Sığortalı Azərbaycan xəbər verir ki, Rüstəm Məmmədov şirkətin İdarə Heyəti sədrinin müavini vəzifəsinə təyin olunub.

Rüstəm Məmmədov sığorta sektorunda 9 ildən artıq, ümumilikdə isə marketinq və biznesin inkişafı sahəsində 15 ilə yaxın təcrübəyə malikdir. O, 2016-cı ildən etibarən “PAŞA Həyat Sığorta” ASC-nin İdarə Heyətinin üzvü kimi fəaliyyət göstərərək mühüm layihələrə rəhbərlik edib. 2018-ci ilin yanvar ayından bu günədək isə İdarə Heyətinin üzvü və Baş Əməliyyat İnzibatçısı vəzifəsini icra edib.

Rüstəm Məmmədov 2004-cü ildə Azərbaycan Dövlət İqtisad Universitetinin Beynəlxalq iqtisadi münasibətlər ixtisası üzrə bakalavr dərəcəsini, 2008-ci ildə İstanbul Universiteti İctimai Elmlər İnstitutunda Marketinq ixtisası üzrə magistr dərəcəsini, 2015-ci ildə isə İspaniyanın IE Business School ali təhsil müəssisəsində Executive MBA (Master of Business Administration) proqramını bitirib.

O, sığorta sahəsindəki dərin bilik və idarəetmə təcrübəsi ilə “PAŞA Sığorta”nın strateji inkişafına və şirkətin bazar liderliyinin daha da möhkəmləndirilməsinə töhfə verəcək.

Hazırda qeyri-həyat sığorta sektorunun lideri olan PAŞA Sığorta şirkəti 2006-cı ildən fəaliyyət göstərir. “PAŞA Holding” qrupunun üzvü olan PAŞA Sığorta 700.000-ə yaxın korporativ və fərdi müştərisinə 36 növ könüllü və icbari sığorta üzrə xidmət göstərir. “AM Best” beynəlxalq reytinq agentliyi “PAŞA Sığorta” ASC-nin emitentin uzunmüddətli kredit reytinqini “BBB”, maliyyə dayanıqlılığı reytinqini “B++”, reytinq üzrə proqnozu isə “Sabit” səviyyəsində təsdiqləyib.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.