Sığortalı Azərbaycan xəbər verir ki, Kənd Təsərrüfatı Nazirliyi və “Yüksəliş” İctimai Birliyi arasında əməkdaşlıq çərçivəsində həyata keçirilən “Üfüq” Karyera İnkişaf Proqramının mentorluq mərhələsi uğurla davam etdirilir. Proqramın mentorlarından biri, Aqrar Sığorta Fondunun İdarə Heyətinin sədri Fuad Sadıqov, Proqramın qaliblərindən olan – Nazirliyin Hüquq və icra intizamı şöbəsinin Hüquqi aktların ekspertizası sektorunun müdiri Mahmud Abdullayev ilə mentorluq çərçivəsində görüşlər keçirir.
Proqram üzrə ikinci mentorluq görüşü 30 oktyabr 2025-ci il tarixində Aqrar Sığorta Fondunun inzibati binasında baş tutub. Görüş çərçivəsində qalibə Fondun gündəlik idarəetmə və qərarvermə proseslərində yaxından iştirak etmək imkanı yaradılıb.
Mahmud Abdullayev Fondun və “Aqrar Sığorta Müştərək Sığorta Şirkəti” ASC rəhbərliyinin iştirakı ilə keçirilən iclasda iştirak edib. İclas zamanı o, “Aqrar sığorta” informasiya sisteminin (ASİS) tərkib hissəsi olan “Hesabatlar modulu”nun funksionallığı, məqsədləri və yaxın dövrdə həyata keçirilməsi planlaşdırılan təkmilləşdirmə işləri ilə tanış olub, həmçinin öz təkliflərini təqdim edib.
Qeyd edək ki, mentorluq proqramı 12 ay müddətinə nəzərdə tutulub və növbəti, üçüncü görüşün yaxın günlərdə keçirilməsi planlaşdırılır.
Xatırladaq ki, “Üfüq” Karyera İnkişaf Proqramı dövlət sektorunda gənc kadrların peşəkar inkişafını dəstəkləmək məqsədilə həyata keçirilir. Proqram iştirakçıları idarəetmə, liderlik və strateji düşünmə bacarıqlarını artırmaq üçün yüksək səviyyəli rəhbər şəxslərin mentorluğu altında təcrübə qazanırlar.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
