2024-cü il üzrə işğaldan azad edilmiş ərazilərində fəaliyyət göstərən 20 sığortaedən, 933 sığortaolunan üzrə hesablanmış 305,82 min manat sosial sığorta vəsaiti subsidiyalaşdırılıb.
Sığortalı Azərbaycan xəbər verir ki, bu Dövlət Sosial Müdafiə Fondunun 2026-cı il üçün büdcə layihəsinə Azərbaycan Respublikası Hesablama Palatasının rəyində öz əksini tapıb.
Rəydə qeyd edilib ki, 2023-cü illə müqayisədə 2024-cü ildə müvafiq istiqamət üzrə sığortaedənlərin sayı 5 dəfə, sığortaolunan sayı 3,66 dəfə, hesablanmış məcburi dövlət sosial sığorta haqqı üzrə subsidiyalaşma isə 3,57 dəfə artıb. Cari ilin I yarısının icra göstəricilərinə əsasən ümumilikdə “Sosial sığorta haqqında” qanunun müvafiq maddəsinin hər iki bəndi üzrə işğaldan azad edilmiş ərazilərində fəaliyyət göstərən 23 sığortaedən və 327 sığortaolunana hesablanmış 87,44 min manat vəsait subsidiyalaşdırılmışdır ki, bu da ötən ilin müvafiq göstəricisinin 28,6%-i həcmindədir.
Xatırladaq ki, “Sosial sığorta haqqında” Azərbaycan Respublikasının Qanununda dəyişiklik edilməsi barədə Azərbaycan Respublikasının 09 dekabr 2022-ci il tarixli 680-VİQD nömrəli Qanununun 1.4-cü maddəsinə əsasən Qanuna 14-1-ci maddə əlavə edilmiş və bu maddənin 01 yanvar 2023-cü ildən 01 yanvar 2033-cü ilədək qüvvədə olması nəzərdə tutulmuşdur. Qanuna yeni əlavə edilmiş 14-1.1- ci maddəyə əsasən Azərbaycan Respublikasının işğaldan azad edilmiş ərazilərində fəaliyyət göstərən qeyri-dövlət sektoru üzrə neft-qaz sahələrində fəaliyyəti olmayan sığortaedənlər (sığortaolunanlar) tərəfindən ödənilən məcburi dövlət sosial sığorta haqqının müvafiq hissəsi dövlət büdcəsinin vəsaiti hesabına subsidiyalaşdırılır.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
