Sığortalı Azərbaycan xəbər verir ki, İcbari həyat sığortası üzrə dövlət sektoruna aid təxminən 40–45 milyon manatlıq sığorta portfeli Dövlət Sosial Müdafiə Fondu na (DSMF) ötürüləcək.
Sığortalı Azərbaycan-nın əldə etdiyi məlumata görə, 2026-cı il yanvarın 1-dən etibarən dövlət qurumlarında çalışan işçilərin istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığortası DSMF tərəfindən həyata keçiriləcək. Başqa sözlə, yenilik yeni bağlanacaq müqavilələrə şamil ediləcək.
Qeyd edək ki, indiyədək bu sığorta növü həyat sığorta şirkətləri tərəfindən icra olunurdu. Dəyişiklikdən sonra həyat sığorta şirkətləri yalnız özəl sektorda çalışan işçilər üzrə bu sığorta növünü həyata keçirə biləcəklər.
Məlumata görə, Azərbaycanda istehsalatda bədbəxt hadisələrlə bağlı icbari həyat sığortası üzrə illik sığorta yığımlarının həcmi təxminən 90 milyon manat təşkil edir. Bunun 40–45 milyon manatı dövlət sektorunda çalışan işçilərə aiddir və hazırda iki həyat sığorta şirkətinin portfelində cəmləşib.
“İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında” qanuna edilən dəyişiklikdən sonra bu portfelin DSMF-yə ötürülməsi nəzərdə tutulur.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
){kind=link}