Sığortalı Azərbaycan xəbər verir ki, PAŞA Həyat Sığorta şirkətinin İdarə Heyətinin tərkibində dəyişiklik baş verib. Şirkətin Direktorlar Şurasının təsdiqinə əsasən, Elmin İsgəndərov 22 yanvar 2026-cı il tarixindən etibarən PAŞA Həyat-da İdarə Heyətinin üzvü – Baş Risk İnzibatçısı vəzifəsini icra edəcəkdir.
Elmin İsgəndərov maliyyə və risklərin idarə olunması sahəsində geniş peşəkar təcrübəyə malikdir. O, bu təyinata qədər PAŞA Bank-da müxtəlif rəhbər vəzifələrdə çalışıb. Son olaraq Bankda Kredit Risklərinin Anderraytinqi departamentinin aparıcı direktoru vəzifəsini icra edib. Bundan əvvəl isə Kredit Risklərinin Anderraytinqi departamentinin direktoru və Kredit Risklərinin Anderraytinqi departamentinin Korporativ Bankçılıq şöbəsinin rəhbəri kimi fəaliyyət göstərib.
Yeni vəzifəsində Elmin İsgəndərov PAŞA Həyat-da risklərin idarə olunması strategiyasının formalaşdırılması, risk mədəniyyətinin gücləndirilməsi, korporativ idarəetmə və dayanıqlı inkişaf məqsədlərinə uyğun risk çərçivəsinin inkişafına rəhbərlik edəcək.
Elmin İsgəndərov təhsilini Azərbaycan Dövlət İqtisad Universitetində (UNEC) Maliyyə və Kredit ixtisası üzrə bakalavr və magistr pillələrində alıb. Daha sonra Böyük Britaniyada Newcastle Universitetində Beynəlxalq Maliyyə Analizi üzrə magistr dərəcəsini fərqlənmə ilə bitirib. Maliyyə sektoru üzrə bir neçə beynəlxalq sertifikatlara malikdir.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
