Azərbaycanın sığorta şirkətləri xaricə səfər edən vətəndaşların sığortası üzrə cari ilin yanvar ayı ərzində 624 min manat sığorta haqqı toplayıb.
Sığortalı Azərbaycan Azərbaycan Mərkəzi Bankına istinadən xəbər verir ki, bu göstəricinin həcmi 2025-ci ilin yanvar ayı ilə müqayisədə 79,8% və ya 277 min manat çoxdur. Ötən ilin ilk ayında bu sığorta növü üzrə 347 min manat sığorta haqqı toplanıb.
Ötən ay xaricə səfər edən vətəndaşların sığortası üzrə ödənişlərinin həcmi 34 min manat olub ki, bu da ötən ilin eyni dövrünə nisbətən 32% və ya 16 min manat azdır. 2025-ci ilin yanvar ayında bu sığorta növü üzrə ödənişlərin həcmi 50 min manata bərabər olub.
Onu da bildirək ki, ötən ilin yanvar ayında sığorta şirkətləri sözügedən sığorta növü üzrə topladıqları hər 100 manatdan 14.4 manatını ödənişə yönəltmişdirsə, cari ilin ilk ayında bu rəqəm 5.4 manat təşkil edib.
Xatırladaq ki, cari ilin yanvar ayında xarici ölkələrə gedən Azərbaycan vətəndaşlarının ümumi sayı ötən ilin yanvar ayı ilə müqayisədə 1,4 faiz azalaraq 151,9 min nəfər olub. Vətəndaşların ən çox səfər etdikləri ölkələr isə Türkiyə, Rusiya, İran və Gürcüstan olub.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Medya Türkiye – www.sigortamedya.com.tr
Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.
