262 manata məhsulunu sığortaladı – 8801 manat sığorta ödənişi alıb

Sığortalı Azərbaycan xəbər verir ki, Aqrar Sığorta Fondu Cəlilabad rayonunda ilk dəfə olaraq noxud əkini sahəsi üzrə sığorta ödənişi edib.
Sığorta ödənişi “Tale-94” Müstəqil Kiçik Müəssisəsinin Cəlilabad rayonunu Gülməmmədli kəndindəki noxud əkini sahələri üzrə həyata keçirib. Vəhşi heyvanların – çöl donuzlarının hücumu nəticəsində ümumi ərazisi 17 hektar olan əkin sahəsinin bir hissəsinə zərər dəyib.

Fermerin Aqrar Sığorta Fonduna müraciəti əsasında əraziyə baxış üçün müstəqil aqrar sığorta eksperti təyin edilib, ekspert tərəfindən hadisə araşdırılıb, dəymiş zərər hesablanıb.

Aparılan hesablama nəticəsində fermerə dəymiş zərərə görə 8801 manat məbləğində ödəniş həyata keçirilib. Qeyd edək ki, noxud əkini sahəsini könüllü sığotalayan fermer bunun üçün 262 manat sığorta haqqı ödəmişdi.

Fermerə sığorta ödənişi barədə simvolik çek Cəlilabad rayonunda keçirilən Aqrar İnnovasiya Festivalı çərçivəsində Kənd Təsərrüfatı naziri Məcnun Məmmədov, Cəlilabad Rayon İcra Hakimiyyətinin başçısı Rafiq Cəlilov və Aqrar Sığorta Fondunun Cəlilabad filialının rəhbəri Rafət Əsgərov tərəfindən təqdim edilib.

Təsərrüfatın rəhbəri, “Tale-94” Müstəqil Kiçik Müəssisəsinin direktoru Dayandur Əliyev təsərrüfatına dəymiş zərərin qarşılanmasında aqrar sığorta mexanizminin fəaliyyətindən olduqca razı qaldığını bildirib: “Noxud əkinləri rayonumuzda geniş yayılıb və bizim təsərrüfatımız da bitkilərin əkini ilə məşğuldur. Əkin sahəsini çoxsaylı risklərdən, xüsusilə də rayonumuzda çox yayılmış vəhşi heyvanların hücumundan qorumaq üçün ötən il Aqrar Sığorta Fondunda sığortalamışdıq və bu məqsədlə 262 manat sığorta haqqı ödəmişdik. Aqrar sığorta sisteminin işindən və bizə ödənilən sığorta ödənişindən çox razıyıq”.

Aqrar Sığorta Fondunun Cəlilabad regional filialının rəhbəri Rafət Əsgərov bildirib ki, Cəlilabad rayonunda iqlim nisbətən sakit, təbiət hadisələri isə az olsa da, dolu, fırtına, sel və subasma, eyni zamanda vəhşi heyvanların hücumu kimi hallar mütəmadi baş verir.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Sigorta Medya Türkiye – www.sigortamedya.com.tr

Sığorta növləri və ümumi sığorta fəaliyyətləri haqqında ətraflı məlumat almaq üçün veb saytımıza daxil ola bilərsiniz. Hər gün daha inkişaf etmiş cəmiyyət olmaq məqsədi ilə addımlar atırıq. Sığorta xidmətlərinin nə qədər vacib olduğunu izah etmək, üçün ən son məlumat ları və xəbərləri daxil edirik. Faydalanmaq istədiyiniz sığorta növləri haqqında ətraflı məlumat əldə etmək üçün saytımıza nəzər yetirə bilərsiniz. Saytımız vasitəsi ilə eyni zamanda həm fərdi həm korporativ sığorta növləri ilə tanış ola və bütün suallarınıza dərhal cavab ala bilərsiniz. Bizim saytımızın köməyi ilə şəxsi pensiya və həyat sığortası ilə bağlı maraqlandığınız bütün suallara cavab tapa bilərsiniz.