“Xalq Sığorta”da yeni təyinat reallaşıb. Şirkət Korporativ satış departamentinin rəhbəri vəzifəsinə sığorta sektorunda uzunillik təcrübəyə malik Araz Nəcəfzadə ni təyin edib.
Sığortalı Azərbaycan xəbər verir ki, “Xalq Sığorta” ASC-də Korporativ satış departamentinin rəhbəri vəzifəsi Nəcəfzadə Araz Fuad oğluna həvalə olunub.
“Xalq Sığorta”da yeni təyinat sığorta sektorunda təcrübəli mütəxəssisə etibar edildi
Araz Nəcəfzadə son olaraq 2024-cü ilin oktyabr ayından 2026-cı ilin may ayınadək Azərbaycan Dövlət Reklam Agentliyində Kommersiya departamentinin rəhbəri vəzifəsində çalışıb.
O, 2012-ci ildən etibarən sığorta sektorunda fəaliyyət göstərir və peşəkar karyerası ərzində “PAŞA Sığorta” ASC, “Azərsığorta” ASC və Azərbaycan Dövlət Reklam Agentliyində müxtəlif rəhbər vəzifələrdə çalışıb.
Sığorta, korporativ satış, müştəri münasibətlərinin idarə olunması və biznesin inkişafı istiqamətlərində uzunmüddətli rəhbərlik təcrübəsinə malik olan Araz Nəcəfzadənin yeni vəzifəsində şirkətin korporativ satış strategiyasının inkişafına töhfə verməsi gözlənilir.
Maliyyə təhsili alıb
Araz Nəcəfzadə 2009–2013-cü illərdə Xəzər Universitetində Maliyyə ixtisası üzrə bakalavr təhsili alıb.
Müəllif Hüquqları: Sığortalı Azərbaycan – “Sigorta Medya” nəşridir. Bütün hüquqlar qorunur. Platformamız vasitəsilə fərdi sığorta və korporativ sığorta növləri, o cümlədən həyat sığortası və könüllü pensiya sığortası haqqında ən son xəbərləri izləyə bilərsiniz. Regionun sığorta gündəmini izləmək üçün Sigorta Medya Türkiye səhifəsini də ziyarət edə bilərsiniz.
