“Allianz Türkiyə” bütün əməkdaşlarına açıqladığı “Yeni işləmə metodu” ilə gələcəyin iş həyatına yeni bir qapı açdı. “Bura Allianzdır, burada həyat bambaşqadır!” sloqanı ilə “Allianz” əməkdaşlarına tanıdılan yeni üsula görə, evdən işləmək metodu gələcəkdə də davam etdiriləcək.
Gələcəyin iş həyatına doğru yeni bir addım atan “Allianz Türkiyə” “Yeni işləmə metodu” ilə evdən işləməyi qalıcı hala gətirdi. “Bura Allianzdır, burada həyat bambaşqadır!” sloqanı ilə “Allianz” əməkdaşlarına tanıdılan yeni üsul pandemiyadan sonra həyata keçiriləcək. Yeni iş metoduna görə təxminən 2500 insandan ibarət “Allianz” ailəsi “Satış”, “Satışdan kənar” və “Çağrı mərkəzi” olmaq şərti ilə 3 kateqoriyada yeni işləmə üsuluna keçəcək.
Yeni metoda görə, “Sahə” qrupu həftədə 1 gün evdə, digər günlər isə sahədə öz vəzifələrini yerinə yetirməyə davam edərkən, “Çağrı mərkəzi”ndə iş başında olan və müştərilərlə işləyən təmsilçilər isə həftənin 5 günü evdən çalışacaq. “Allianz” ailəsinin digər üzvləri isə həftənin 2 günü ofisə gələrək, qalan günlərdə evdən çalışacaqlar.
Dəstək paketi hazırlandı – Allianz Türkiyə
“Allianz Türkiyə”nin İnsan Resursları, Çevik Ofis ve Əməliyyat Dəstəyi üzrə Baş direktor müavini İlkay Özəl pandemiya bitənə qədər könüllülük əsasında sahəyə çıxan satış qrupları xaric, bütün əməkdaşların 5 gün evdən işlədiyini bildirdi. Özəl bəy “Yeni metod pandemiya sonrasında reallaşacaq. Lakin 2021-ci il yanvar ayından etibarən “Ev ofisi” adlı dəstək paketini əməkdaşlarımıza təqdim etməyə başladıq. Pandemiya zamanı evdən işlədiyimiz müddətdə ortaya çıxan, təksəfərlik, aylıq ev xərclərini ödəyəcək, həmçinin ofis oturacağı, internet paketi, mobil telefon, noutbuk, ekran, mouse, klaviatura və s. kimi şeylərə ehtiyacı olan əməkdaşlarımıza lazımi dəstəyi verəcəyik” dedi.
İş yoldaşlarımızla emalatxana işini də gördük
İlkay Özəl ilk işin görülməsi ilə birlikdə keçid etdikləri evdən işləmək metodunda ortaya çıxan ehtiyacları diqqətə alaraq, “Allianz Türkiyə” şirkətinin əməkdaşları ilə birgə emalatxana işini də gördüklərini açıqladı.
Özəl “Bu mövzuda “Allianz” qrupunda 9500-dən artıq qlobal əməkdaşın qatıldığı anket sorğusu keçirildi. Yeni iş metodumuza keçmədən öncə əməkdaşlarımızı, iş yoldaşlarımızı dinlədik və bu sorğudan sonra ortaya çıxan nəticələri, tələb və təklifləri tək-tək nəzərə aldıq” dedi.
Yeni metod 4 prinsip üzərində quruldu
Özəl bəy yeni metodun “Çeviklik”, “Səmərəlilik”, “Yaxşılaşma” və “Davamlılıq” kimi 4 əsas prinsip üzərində qurulduğunun altından xətt çəkərək, “Çevik çalışma modeli daha da çeviklik əldə etməyimizə imkan verir və çevik iş günlərimizi artırır. Logistik proseslər və ya yolda keçən zamanı azaldır, özümüzə və sevdiklərimizə daha çox zaman ayırırıq. İclassız gün və saatlarımıza qənaət edir, praktikamıza arxalanıb zamanımızı daha səmərəli istifadə edirik. “Yaxşılaşma” və “Davamlılıq” prinsipi ilə iş yoldaşlarımızın evlərində rahat olmaları üçün lazımi fiziki dəstəyi veririk, həm də onların ruhi sağlamlıqlarını dəstəkləmək üçün ruhi sağlamlıq proqramını həyata keçiririk” açıqlamasını verdi.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
