19 C
Baku
Bazar ertəsi, İyun 21, 2021

Kiberhücumlar – 3 milyon Kiçik və Orta Biznes Müəssisəsi kiberhücum riski ilə qarşı-qarşıya

2020-ci ildə təkcə Türkiyədə kiberhücumlar 81 faiz artıb. Kiberhücumlar əsasən Türkiyədə sayı 3 milyondan artıq olan Kiçik və Orta Biznes Sahibkarları (KOBS) üçün ciddi təhlükəyə çevrilib.  “Kibertəhlükəsizliyin sığortalanması KOBS üçün məcburi olmalıdır”  deyə Aksigortanın Baş direktor müavini Fəxri Altıngöz bildirib.

Rəqəmsal transformasiya şirkətlərin rəqabət qabiliyyətini artırır. Amma rəqəmsallaşma bir tərəfdən gücləndirərkən, digər tərəfdən özü ilə bərabər müəyyən riskləri də gətirir. Bu risklərin başında gələn kiberhücumlara biganə qalmaq təhlükənin qapıda olduğunu göstərir. Keçən il təkcə Türkiyədə 1.692.320 zərərli proqram hücumu gerçəkləşdi. Ötən illə müqayisədə 81 faiz artımın baş verdiyi Türkiyədə dəqiqədə 3 kiberhücum baş verdi. Rəqəmlər kiberhücumların artıq görünməz bir risk olması düşüncəsini ortadan qaldırır.

Kiberhücumların 43 faizi Kiçik və Orta Biznes Sahibkarlarına yönəldilib

Aparılan araşdırmalardan sonra bazardakı şirkətlərin 75 faizinin kiber risk sığorta paketinə sahib olmadığının ortaya çıxdığını ifadə edən “Ağsığorta”nın Baş direktor müavini Fəxri Altıngöz bunları söylədi: “Pandemiya dövründə iş prosesinin evlərə köçürülməsi ilə hücumlar yüzdə 20 artdı. Hücumların 43 faizi kiçik şirkətlərə qarşı törədilir. Kiçik şirkətlərin informasiya texnologiyaları üzrə mütəxəssisə sahib olmaması hücumu olduqca asanlaşdırmaqla bərabər, hücumçuların bu kiçik şirkətlərə sızaraq, daha böyük şirkətlərə yol tapdığını göstərir. Kiçik və Orta Biznes Müəssisələrinin bir kibermütəxəssisə sahib olmaması zəncirvari kiberhücumlara yol açır. Kibertəhlükəsizlik

sığortasının Kiçik və Orta Biznes Sahibkarları üçün məcburi hala gətirilməsi və müvafiq olaraq sistem infrastrukturunun yenidən qurulması çox vacibdir”, – deyə o, bildirib.

Kiber-məlumatlandırma səviyyəsi çox aşağıdır

Dünya İqtisadi Forumunun kiçik biznes kibertəhlükəsizliyini inkişaf etdirmənin qlobal prioritet olması mövzusunda dəfələrlə xəbərdarlıq etdiyini vurğulayan Fəxri Altıngöz dedi:

“Dünyanın nəhəng şirkətləri təchizatçı olmaq istəyən şirkətlərdən kibertəhlükəsizlik üzrə öhdəliklər götürmələrini tələb edirlər. Hindistan və İsraildə kibertəhlükəsizlik tənzimlənmələri ilə bağı yeni bir sistemə keçid edildiyi halda, Sinqapurda kibertəhlükəsizlik sığortası, xüsusilə də maliyyə şirkətləri üçün məcburi hala gətirildi. Müxtəlif coğrafi regionlardakı bir çox ölkələrdə kibertəhlükəsizlik mövzusunda məlumatlandırma kampaniyaları həyata keçirilərkən, biznes sferasında təəssüf ki, eyni məlumatlandırma səviyyəsinə nail ola bilməmişik. Avropada xüsusilə kiberhücumlara məruz qalan Kiçik və Orta Biznes Müəssisələrinin nəzdində kiberhücumlar barədə məlumatlılıq səviyyəsi olduqca aşağıdır”.

Yeni dünyada Kiçik və Orta Biznes Sahibkarlarının öz varlıqlarını qoruması çox vacibdir

Türkiyədə də vəziyyətin fərqli olmadığını söyləyən Fəxri Altıngöz deyib: “Türkiyədə 3 milyondan çox Kiçik və Orta Biznes Müəssisələri var. Təcavüzkarların hədəfi olan bu böyük KOBS ailəsinin kiberrisklərin miqyası barədə məlumat əldə etməsi və yeni dünyada varlıqlarını qoruya bilmələri üçün ehtiyat tədbirləri görmələri mütləqdir.

Kibertəhlükəsizliyə qarşı sığorta paketi alanlar nəğd pul dəstəyi almaq və nüfuzunu qorumaqdan əlavə, kiberhücumlardan sonra itirilmiş məlumatları geri almaq və proqram təminatının hadisə baş verməzdən əvvəlki halına ən yaxın səviyyəyə gətirmək imkanına malik olurlar”, – deyə o, bildirib.

Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur

Related Articles

BIR CAVAB BURAXIN

şərhinizi daxil edin!
Buraya adınızı daxil edin

ƏN SON XƏBƏRLƏR