Qatılım sığortası nda pəncərə üsulu ilə fəaliyyət göstərən şirkətlər üçün portfel köçürülməsi ya da şirkət yaradılması barədə qərar zamanı yaxınlaşdı. “Türkiyə Sığorta” və “HDI Sığorta”nın bu sahədə fəaliyyət göstərəcək yeni bir şirkət yaratması gözlənilərkən, digər şirkətlər ilin ikinci yarısını gözləyir.
Türkiyədə qatılım sığortası sektoru böyüyür. “Faizsiz sığorta” prinsipi ilə hərəkət edən, xüsusən də faizə həssas seqment üçün təklif etdiyi məhsullarla diqqət çəkən qatılım (təqafül) sığortasında istehsal olunan mükafat məbləği 2020-ci ilin sonunda 4,2 milyard Tl-yə çatdı. Sığorta və Xüsusi Pensiya Tənzimləmə və Nəzarət Şurası hökumətin də ölkəmizdə inkişafına böyük əhəmiyyət verdiyi qatılım sığortası ilə əlaqədar əhəmiyyətli bir anlaşmaya imza atdı. 19 dekabr 2020-ci il tarixli 31339 saylı “Rəsmi Qəzet”də yayımlanan fərmana əsasən, pəncərə üsulu ilə qatılım sığortası məhsulları satan sığorta şirkətlərinin bu sahədə fəaliyyət müddəti 31 dekabr 2021-ci ildə başa çatır. “Qatılma prinsipləri çərçivəsində sığorta və şəxsi pensiya fəaliyyətlərinə dair Əsasnamə” əsasında 31 dekabr 2021-ci ildən etibarən sahib olunan portfel, sığortalıların təsdiqi daxilində qatılım sığortası fəaliyyəti ilə məşğul olan digər sığorta şirkətlərinə transfer ediləcək.
Yeni şirkətlərin yaradılması gözlənilir
İştirak sığrtasında həyat xaricində pəncərə üsulu ilə fəaliyyət göstərən 4 şirkət: “Türkiyə Sığorta”, “HDI Sığorta”, “Təbiət Sığorta” və “Unico Sığorta” olaraq sıralanır. Sözügedən şirkətlər arasında dövlət şirkətlərinin Türkiyə Varlıq Fondunun çətiri altında birləşməsi nəticəsində yaranan “Türkiyə Sığorta” ilə “HDI Sığorta”nın yeni bir qatılım sığortası şirkəti yaratması gözlənilir. “Türkiyə Sığorta” icarçı direktoru və İdarə Heyətinin sədri Atilla Benli ictimaiyyətə önümüzdəki dövr ərzində qatılım sığortası sahəsində fəaliyyət göstərəcəklərinə dair mesaj verdi. “HDI Sığorta” İcraçı direktoru Ceyhan Hancıoğlu da “Sığortamediya”nın “Youtube” kanalı “Sığorta Ekranı”nda yeni bir şirkət satın ala və ya yarada biləcəklərini vurğulayaraq, bir mənada “Qatılım sığortasında biz də varıq” dedi. Hələ son qərar verə bilməyən digər iki şirkət isə ilin ikinci yarısını gözləyir. Önümüzdəki dövr ərzində yeni qatılım sığortası şirkətlərinin yaradılması və sektorda yeni oyunçuların yer alması gözlənilir.
Qatılım sığortası sürətlə böyüyür
Qatılım sığortası ölkəmizdə sürətli və davamlı inkişafını davam etdirir. TSB məlumatlarına əsasən, 2020-ci ildə qatılım sığortası sektoru əvvəlki ilə görə yüzdə 24,3 artımla 4 milyard 267,3 milyon TL mükafat istehsalını təmin etdi. Sektorda 2016-cı ildə təxminən 1 milyard TL olan mükafat istehsalı, 4 ildə təxminən 4 dəfə artdı. Qatılım sığortası sektorunda ümumi sığorta sektoru ilə müqayisədə şirkətlərin azlığı və kiçik miqyaslı olması səbəbindən “baza təsiri”nin də sürətli böyümədə təsirli olmasına diqqət çəkmək lazımdır.
“Bərəkət Sığorta”nın Baş direktoru Mahmud Güngör: Hər cür əməkdaşlığa hazırıq
Qatılım sığortasının öndə gedən şirkətlərindən olan “Bərəkət Sığorta”nın Baş direktoru Mahmud Güngör pəncərə üsulu ilə iştirak əsaslı məhsullar satan sığorta şirkətlərinin qatılma sığortası şirkəti yaradaraq fəaliyyətlərini davam etdirəcəklərinin və ya portfellərini mövcud qatılım sığortası şirkətlərinə köçürəcəklərinin təqafül sığortasının daha sürətli və sağlam böyüməsinə mühüm töhfə verəcəyini düşündüyünü bildirdi. Ölkəmizdə “orijinal təqfül modeli”ni ilk tətbiq edən şirkət olmağın məsuliyyətini dərk edərək, iştirak maliyyəsi ekosisteminin davamlı inkişafına töhfə verəcək hər cür əməkdaşlığa açıq olduqlarını ifadə etdi. “Bu baxımdan, qatılım sığortasının iştirak maliyyəsi ekosistemi daxilində ölkəmizə və dünyaya nümunəvi bir model halına gətirilməsi üçün hər cür səylərin dəstəkçisi olmağa davam edəcəyik”, – deyə Güngör bildirdi.
“Neova Sığorta”nın Baş direktoru Özgür Koç: Qatılım sığortası sahəsində inkişaf davam edəcək
“Neova Sığorta”nın Baş direktoru Özgür Koç qatılım sığortası sektoru və Sığorta və Xüsusi Pensiya Tənzimləmə və Nəzarət Şurasının qatılım sığortası ilə əlaqədar olaraq son yayımladığı tənzimləmə haqqında deyir: “Qatılım sığortasında pəncərə üsulunun başa çatması səbəbindən sektorda bir qədər kiçilmə ola bilər. 2021-ci il keçid ilidir. Portfellərin köçürülməsi də ilk dəfə həyata keçiriləcək. Bununla yanaşı, sektora yeni oyunçuların qatılacağını düşünürəm. Daha 1-2 qatılım sığortası şirkətinin yaradılmasını gözləyirik. Bu şirkətlər qurulsa, sektor böyüməyə davam edəcək”. Portfel köçürmək istəyənlərdən “Neova Sığorta”ya indiyədək heç bir tələb gəlmədiyini bildirən Koç, il sonunadək portfel köçürülməsi ilə bağlı irəliləyişlərin ola biləcəyini söyləyir.
“HDI Sığorta”nın icraçı direktoru Ceyhan Hancıoğlu: Qatılım sığortası şirkəti yaratmaq və ya almaq niyyətindəyik
“HDI Sığorta”nın icraçı direktoru Ceyhan Hancıoğlu da “Sığortamedia”nın “YouTube” kanalı “Sığorta Ekranı”nda qatılım sığortası ilə bağlı planlarını açıqladı. Son iki il yarım ərzində pəncərə sistemi ilə qatılım sığortası tətbiq etdiklərini bildirdi. “Yeni qanunvericiliyə uyğun olaraq, bu ilin sonunadək bu mövzuda qərar verməliyik. Çünki yeni qanunvericilik pəncərə sistemi ilə davam edə bilməyəcəyimizi deyir. Gündəmimizdə fövqəladə bir dəyişiklik olmadığı təqdirdə, bu il ərzində bir qatılım sığortası şirkəti qurmaq və ya almaq niyyətindəyik. Çünki bu sahədə də inkişaf potensialı var”, – deyə Hancıoğlu bildirdi.
KOBİ-lərə qatılım prinsiplərinə uyğun məhsul təqdim edəcəyik
Türk Təkrarsığorta Fövqəladə Risklər İdarəetmə Mərkəzinin direktoru Əli Sərtaç Canal da KOBİ-lər üçün iştirak sığortası prinsiplərinə uyğun olaraq hazırlanan Dövlət Dəstəkli Kredit Sığortası məhsulunu təqdim edəcəklərini söylədi. BDDK və TBB ilə məhsulla bağlı danışıqları başa çatdırdıqlarını ifadə etdi. “Hazırda SBM və SEDDK ilə məhsulun proqram təminatı, infrastruktur və qanunvericilik məsələləri üzərində işləyirik. Bu mövzuda bütün işləri başa çatdırdıq. Mövzu SEDDK-nın gündəmindədir. Təsdiq olunsa, bu il ərzində qatılım sığortası prinsiplərinə uyğun olaraq hazırladığımız Dövlət Dəstəkli Ticarət Krediti sığortası məhsulunu da təqdim edəcəyik”, – deyə bildirdi.
Sığortalı Azərbaycan – https://sigortaliazerbaycan.com/ – Sigorta Medya Nəşridir – bütün hüquqlar qorunur
Sigorta Ekranı – https://www.youtube.com/channel/UCK3C8yC08gbBwB9VrJ9X84Q
